Home Notisia Forum Juventude Defisiénsia Ermera Eziste Tinan 5 Ona, Maibé Seidauk Hetan Apoiu...

Forum Juventude Defisiénsia Ermera Eziste Tinan 5 Ona, Maibé Seidauk Hetan Apoiu Husi Governu

853
0
Koordenador Forum Juventude Defisiénsia Ermera (FJDE), Marcos de eus, (Foto-David)

Reportajen David da Costa

Grupu Forum Juventude Defisiénsia Ermera (FJDE) ezije ona tinan lima (5) hodi hala’o atividade produtivu,  liuhusi produsaun kafe u’ut, suku hena no ortikultura, maibé seidauk hetan intensaun maximu husi governu liu-liu Ministériu Agrikultura Peskas no Floresta (MAPPF) no Ministériu Solidariedade Sosiál no Inkluzaun (MSSI) hodi tulun nia atividade sira.

Koordenadór Grupu FJDE, Marcos de Deus Martins informa maski FJDE eziste ona husi tinan 2019 maibé seidauk hetan atensaun másimu husi governu, liu-liu MAPPF no MSSI hodi tulun nia atividade sira.

“Presiza ekipamentu no fatin rasik, ami hanoin atu hadia ami nia fatin mas kbiit la to’o, karik governu iha posibilidade hodi apoiu ami, ami mos hakarak hetan kapasitasaun ba membru sira hodi hasae skill no kapasidade liu-liu ba agrikultura,” dehan Koordenador FJDE Marcos  ba Jornalista iha Aldeia Palemanu, Suku Fatuquero, sexta 19/04.

Xefe Suku Fatuquero, Leoncia Trindade konkorda atu Forum Juventude Defísiensia Ermera (FJDE) bele rejista ho legalmente iha Sentru Solidaridade Sosial Munisípiu Ermera, atu nune’e sira bele hetan apoiu ba sira nian atividade sira.

Xefe Suku Leoncia Trindade rekoñese ba difikuldade FJDE hasoru iha baze no prontu atu fasilita nafatin FJDE ne’ebe hala’o hela sira nia atividade hortikultura no produsaun kafe uut ne’ebe seidauk hetan tulun husi governu liu husi sentru solidariedade sosial.

“Hau prontu atu halo deklarasaun no karta akompañamentu ba sira atu lori ba sentru solidariedade sosial atu hetan rekoiñesimentu hodi tulun apoiu grupu difisienste FJDE. Hau la presiza hau nia komunidade mai buka hau to’o iha suku, bainhiara presiza bele telfone direita hau bele atende sira,” hateten Leoncia Trindade iha Sede Suku Fatuquero.

Nia salienta iha nian mandatu durante tinan hitu, hakarak deit mak dezenvolvimentu iha suku Fatuquero no nakloke ba se deit atu lori dezenvolvimentu. Suku fatuquero, total populasaun 2,458 no rejista ema ho defisiensia 48, maibé 29 mak rejistadu ona iha MSSI tanba kompleta ona dokumentu.

Responsavel RHTO (Raes Hadomi Timor Oan) Munisípiu Ermera, Joanico Pereira dos Santos, hateten, RHTO mós fasilita ema ho difisiensia liga ba orsamentu sira ne’ebé mak inisitivu ba eskola sira husi pre-primariu to’o Sekundariu nomós universidade.

“Husi apoiu ne’ebé ami iha naton deit ba sira nia nesesidade, atu nune’e sira remata estudu iha universidade, sira fila mai implementa mós atividade sira hanesan agrikultura, ortikultura, loke negósiu ki’ik sira hanesan kios, atu nune’e sira bele buka moris rasik labele independente ba ema seluk. Grupu FJDE, hamriik husi RHTO, sé RHTO laiha munisípiu nia sei la hamriik,”  Nia esplika.

Nia esplika liu tan, kona-ba ortikultura, RHTO seidauk iha apoiu maibé fasilita deit informasaun kona-ba oinsá mak sira bele kria rasik sira nia grupu, atu nune’e labele independente ba ema seluk, sira mós bele halo, tanba ema ho defisiénsia mós bele halo ona sira nia aktividade.

Diretór Sentru Solidariedade Sosiál Munisípiu Ermera, Vito Caio do Santos, konfirma apoiu ne’ebé MSSI fasilita ba ema defisiente no vulneravel sira haree deit ba aihan nutritivu no la’os nutritivu bazeia ba orsamentu husi MSSI nasionál, liu-liu ba ema ho defisiensia rihun rua resin ne’ebé rezistadu ona iha Ermera.

Programa Media Tour ne’e hetan apoiu  fundus husi DFAT ka Governu Australia, liuhusi projetu HAKFOUN no kolabora entre Oxfam iha Timor-Leste no AJTL.

Print Friendly, PDF & Email

LEAVE A REPLY

Please enter your comment!
Please enter your name here