Home Notisia Tempo Timor Retira Hosi Konferensia, Prezidente KI: Lei KomSos La Dehan Konaba...

Tempo Timor Retira Hosi Konferensia, Prezidente KI: Lei KomSos La Dehan Konaba Durasaun Tinan 5

509
0
Konferensia media nain hodi hili reprezenta ba KI. [Foto: Santina Lucia da Costa | 15.09.2020]

Reportazen Santina Lucia da Costa

Media nain Tempo Timor, Jose Antonio Belo retira hosi konferensia media nain ba period 2020-2024 nian ne’ebe organiza hosi Konsellu Imprensa (KI) iha salaun Delta Nova, loron 15 Septembru, ho razaun Konsellu Imprensa resolve uluk lai problema entre Konsellu Imprensa ho midia boot nain haat (4)

Ba jornalista sira media nain Tempo Timor, Jose Antonio Belo hateten tanba iha mídia ne’ebe mais boot, ami solidariza mídia mais boot no soldilariza mos ho konsellu imprensa, ami ezizi konsellu imprensa rezolve uluk lai problema entre konsellu imprensa ho mídia boot na’in 4, hanesan STL, GMN Group, Timor Post, no Independente para sira mos hola parte, “se lae ita hili tiha reprezentante ida, reprezentante ida ne’e ba de’it ita sira agora hili ne’e ka mídia hotu-hotu, Konsellu Imprensa presija esklarese ida ne’e”.

Jose Antonio Belo haktuir Konsellu Imprensa tenki iha kapasidade atu rezolve kapasidade ida ne’e, antes halo konferensia ne’e.

“Ami senti triste ho Konsellu Imprensa ninia lalaok ida ne’e no lei komunikasaun sosial iha ona, em vez de uza lei komunikasaun sosial ne’e atu rezolve problema, laos kria problema iha problema nia leet”, dehan Jose Belo

Nia haforsatan katak konsellu Imprensa kria hela problema ida, agora kria tan ida tan, ida ne’e mak ami retira husi konferensia ne’e.

Nia dehan Konsellu Imprensa verifika uluk lai mídia sira, antes konvida ita mai tuir konferensia, serake Tempo Timor iha kompletu ona, estrutura priense hotu ona, oinsa ho fundus.

Jose Belo dehan tenki hatete sira ne’e mídia, hakruk ba sira, mais laos hanesan mídia organizasaun ninian, partidu ninian, governu ninian ka igreja sira nian. Tenke kategoria mídia, tenki iha ninia papel proprio katak nia fa’an nia produtu ba publiku ne’e mak foin mídia.

Iha fatin hanesan Prezidente Konsellu Imprensa (KI), Virgilio da silva Guterres informa Konsellu Imprensa nia serbisu mak tuir lei, atu rezista orgaun komunikasaun sosial sira, meius komunikasaun sosial sira, ida ne’ebe mak ami rezista mak hamutuk 28, ne’e orgaun komunikasaun sosial, la sura meius komunikasaun sosial hamutuk 28.  Naran sira ne’e publika ona iha jornal da republika, sira ne’e mak ami konvida, ami fo sai konvite ba hotu atu mai partisipa.

Virgilio da silva Guterres esplika iha mídia balun hatene katak la mai, mídia na’in balun, orgaun mídia balun la mai, liuliu mídia boot sira la mai, ne’e tanba asuntu balun ne’ebe ke mídia na’in sira liuliu reprezenta husi Asosiasaun Na’in ba Mídia (ANM), sira propoin sira mak atu organiza maibe kriteria sira ne’ebe sira hamosu, konsellu imprensa labele simu, por-ezemplu, ema ne’ebe atu tuir konferensia atu iha direitu, atu kandidata an ka atu vota ida ne’e no mídia ne’ebe eziste tenki tinan 5 ona.

“Ami haree ba lei komunikasaun sosial laiha difinisaun ida kona-ba durasaun tinan 5 ka menus-mais, maibe iha ne’eba iha kriteiru sira maka orgaun komunikasaun sosial ne’ebe ke iha estatutu editorial, iha konsellu redasaun, iha sede no iha responsavel, entaun sira ne’e mak sai kriteria. Entaun ami labele simu proposta husi ANM nian, tanba razaun ida ne’e”, hateten Virgilio

Nia hatutan maske mídia boot la partisipa konferensia ne’e, konferensia kontinua, konferensia ne’e la viola regra, “tanba justru se ami hakruk ba ezijensia ANM ninian atu limita ema atu partisipa dehan katak, ema sira ne’ebe tinan 5 ba leten de’it maka bele vota, justru ida ne’e tuir mai ami haree katak viola, tanba iha lei  la hakerek kona-ba ida ne’e, lei hakerek de’it, se mak priense kriteira ami rezista no sira rezistadu ona sira iha direitu atu tuir konferensia hanesan mídia na’in.

LEAVE A REPLY

Please enter your comment!
Please enter your name here