Home Notisia Governu TL Ho Indonesia , Halo Ona Contact Tracing Ba Kazu Positivu...

Governu TL Ho Indonesia [Atambua], Halo Ona Contact Tracing Ba Kazu Positivu Covid-19

795
0
Portavoz CIJK, Dr. Sergio Lobo. [Foto: Francisco JDA | 12.04.2020]

Reportazen Zevonia Vieira

Relasiona ho kazu positive foun ba virus Corona ne’ebe mak afeta ba maluk timoroan ne’ebe halo viazen hosi Indonesia mai, iha loron 1 Abril hosi fronteira Mota Ain. Liu hosi konferensia imprensa hosi Centru Integradu Jestaun Krize [CIJK], Neon Metin halo konfirmasaun ba Portavoz CIJK Dr. Sergio Lobo karik halo ona kontaktu ho parte Indonsia nian, hodi halo contact tracing [buka ema ne’ebe halo kontaktu besik ba ema ne’ebe positive] ba komunidade sira ne’ebe halo kontaktu besik maluk timoroan refere?

Ba Neon Metin Dr. Sergio Lobo hatan katak konaba maluk timoroan ne’ebe konfirmadu, parte Timor nian liu hosi Ministeriu Saude  halo ona Contact Tracing to’o iha Indonesia, hahu hosi fatin sira ne’ebe mak nia liu no to’o fatin nia halo tranzitu.

“Ema sira ne’ebe nia kontaktu fo tiha ona ba Ministeriu Estranjeiru no Kooperasaun [MNEK]  no komunika tiha ona ba Indonesia. Sira mos kontinua halo contact tracing ba ema sira ne’ebe identifika ona. Ida ne’e hanesan orbigasaun nudar vizinhu nasaun”, esplika Dr. Sergio Lobo, iha CCD 12/04.

Dr. Sergio mos hatutan ema sira ne’ebe halo kontaktu besik ema ne’ebe positivu identifika hotu ona, halo observasaun tiha ona, balun ne’ebe presiza halo teste, halo hotu ona.  Contact Tracing laos halo deit iha Timor-Leste, maibe halo mos Contact Tracing to iha Indonesia.

Iha parte sorin Neon Metin hetan informasaun hosi parte imigrasaun Atambua – Indonesia katak iha loron 10 Abril iha Atambua hetan informasaun hosi Timor-Leste katak iha aumentu kazu positive Covid-19 iha Timor-Leste, pasiente ne’e halo viazen iha loron 1 Abril, liu hosi fronteira Mota Ain hodi tama mai Timor-Leste no konsege hela kanaln ida iha Suku Silawan, Subdistritu Tasifeto Timur.

Hosi rezultadu ne’ebe mak parte Atambua nia akumula, pasiente refere halo entrada ba Timor-Leste, sedauk identifika loloos katak pasiente ne’e liu hosi imirgasaun ou liu hosi dalan klandestina no iha ona esforsu hosi Embaixada Indonesia iha Dili hodi buka tuir.

Relasiona ho ida ne’e Sub Administrador Tasifeto Timur, Ventje Moruk mos akumula informasaun katak nia parte hetan ona informasaun refere no halo ona koordenasaun ho Polsek Tasifeto Timur, Koramil 1605-07/Wedomu, Puskesmas Silawan, hodi halo disinfektan iha uma ne’ebe mak pasiente konsege hela kalan ida, iha suku Silawan no hetan ona ordem hosi Xefe Suku Silawan, hodi hamutuk kontrola situasaun saude uma nian refere.

Uma nain rne’ebe mak pasiente konsegela halo kontaktu besik mak naran  Goris  Visenti di Nanaeklot,  Rofinus Bria iha Aldeia Beilaka , Arsisius Antoni iha aldeia  Beilaka no Felis Do Rosario.

Tuir dadus hosi Imigrasaun Atambua iha Mota Ain hatudu katak iha loron 1 Abril 2020, iha ema hamutuk 35 ho sidadaun Timor-Leste ne’ebe mak liu hosi imigrasaun fronteira Mota Ain.

LEAVE A REPLY

Please enter your comment!
Please enter your name here