Home Saude Covid-19, 12 Abril, Negativu 52, 62 Hein Rezultadu Teste, Kazu Foun Positivu...

Covid-19, 12 Abril, Negativu 52, 62 Hein Rezultadu Teste, Kazu Foun Positivu Nafatin 1

1231
0
Portavoz CIJK, Dr. Sergio Lobo. [Foto: Francisco JDA | 12.04.2020]

Reportazen Zevonia Vieira

Centru Integradu Jestaun Krize [CIJK] hatoo informasaun ba loron 12 Abril nian iha centru media CCD, ba jornalista sira, portavoz CIJK, Dr. Sergio Lobo informa ba jornalista sira katak atualizasaun dadus  konaba evolusaun ba esforsu tomak iha prevensaun no mitigasaun ba moras Covid-19 kontinua akumula.

Dr.Sergio informa ba publiku katak to’o ohin loron oras 12:00 meudia, total ema iha konfinamentu obrigatoriu hamutuk 764 no maluk sira ne’ebe sai ona hosi kuarentena hamutuk 1140.

“Dr. Rui relata horseik ema iha kuarentena iha 883 no ohin 119 ne’ebe husik ona kuarentena. Dadus ne’e hatudu katak maluk sira ne’ebe tama hosi fronteira menus ba dadauk. Ida ne’e tanba governu foti ona medidas, atu suspende timoroan sira tama hosi fronteira.  Medida ida ne’e fo espasu diak ba instituisaun estadu sira hotu ne’ebe serbisu iha CIJK, atu bele konsentra diak liutan ho esforsu hodi akompanha kuarentena ne’e ho diak, nune bele identifika kazu potensia bele mosu, hodi nune bele halo kedas teste ba sira no halo izolamentu ba ema sira ne’ebe presiza izolamentu. Premeiru atu fo atendementu diak liu ba sira no importante liutan atu evita moras sira nee bele daet ba ema seluk”, esplika Dr. Sergio Lobo iha CCD, 12/04.

Dadus ne’ebe akumula hosi 6 de Marsu – 12 Abril, suspeitu hamutuk 116, tanba ohin aumenta tan 52. Hosi teste ne’e laboratoriu halo ba suspeitu 116, hanesa sidadaun hatene nain 2 positivu, hosi total 2 ne’e, ida halo tratamentu izolamentu ho kondisaun estavel, ida seluk rekopera ona

Restu hosi 114, ema nain 52 negativu no nain 62 hein rezultadu. Ita hein katak iha tempu badak rezultadu bele sai.

Ba jornalista Dr. Sergio mos informa katak ohin loron iha timoroan nain rua mak tama klandestina mai Timor, maibe forsa iha iha fronteira foti ona medidas, hodi lori sira mai iha fatin kuarentena. Preparasaun CIJK nian atu responde ba entradas klandestinas hosi fronteira diak no metin tebes no polisia fronteira halo patrolamentu kada oras no autoridade lokal sira hetan  ona instruksaunhodi apoiu serbisu polisia fronteira sira.

LEAVE A REPLY

Please enter your comment!
Please enter your name here