Home Saude Ekipamentus Saude nian Besik Mai Ona, CIJK Hare Ona Fatin Izolamentu Seluk...

Ekipamentus Saude nian Besik Mai Ona, CIJK Hare Ona Fatin Izolamentu Seluk Ho Kapasidade Ba Ema 200

361
0
Portavoz CIJK, Dr. Sergio Lobo. [Foto: Francisco JDA | 12.04.2020]

Reportazen Zevonia Vieira

Situasan no kondisaun seitor Saude kontinua sai preokupasaun publiku nian relasiona ho surtu moras virus Corona ne’ebe mak afeta ona ema nain rua, maske hanesan kazu importadu.

Neon Metin halo konfirmasaun relasiona ho preokupasaun publiku nian, oinsa progresu ba preparasaun hodi hasoru sekarik numeru positive aumenta, liu ba fatin izolamentu, ekipamentu no ekipa professional saude.

Ba Neon Metin Portavoz Centru Integradu Jestaun Krize [CIJK], Dr. Sergio Lobo esplika katak konaba ekipamentu no fatin izolamentu, kuantidade sufsiente hodi halo atendimentu ba kazu hamutuk 100, maibe iha tempu badak ekipamentu foun hirak ne’e sei lori mai tan. Ba preparasaun fatin izolamentu nian sei prepara tan fatin ketak, iha hela prosesu nia laran ho kapasidade ba ema 200

Depois de loron 10 bainhira timoroan ida konfirmadu positive virus Corona, sidadaun sira kontinua preokupa tanba ho ekipamentu ne’ebe la sufsiente no preokupa karik bele iha ona tranzmisaun lokal.

Dr. Sergio kontinua apela ba sidadaun hotu atu kumpri regras ne’ebe mak Ministeriu Saude hatoo ona katak kontinua moris hijiene pesoal, fase liman bebeik ho sabaun, hela hakmatek iha uma, halo distansia fiziku no sosial atu preven an hosi virus.

Ba maluk sira kuarentena kontinua kumpri regras, hakmatek iha idak-idak nia kuartu laran, tanba fatin kuarentena laos fatin halo festa ka halibur hamutuk hodi toka muzika no fiar ba professional saude sira no mediku, hodi halo serbisu ho diak no responsabilidade.

LEAVE A REPLY

Please enter your comment!
Please enter your name here