Reportazen Francisco JDA
Relasiona ho informasaun sira konaba numeru moras Corona ne’ebe espalla iha Sosial Media katak numeru aumenta bebeik, no halo publiku paniku. Hafoin reintegra maluk timoroans sira ne’ebe mak hela fatin kuarentena obrigatoriu, iha hotel Luz Clarita, Ministeriu Saúde [MS liu hosi Diretora Jeral Prestasaun Saúde Dra.Odete Viegas ba jornalista sira hateten, husu jornalista sira nia komprensaun karik rona informasaunsira ne’e sai maibé la’ós ofisiál, labele públika tanba buat sira ne’e halo komunidade sira paniku.
“Informasaun lolos sei sai hosi Centru Integradu Jestaun Crise (CIJK) ida ne’e mak ofisiál, atu nune’e ita hotu bele kontribui ba hamenus paniku ba komunidade no sira rasik mós bele koopera. Ha’u ko’alia ida ne’e, tanba dadaun ne’e mós iha barak mak hakarak hatene situasaun maibé ita mós labele fó situasaun ou fo informasaun ida ne’ebé seidauk ofisiál, entaun para evita ema bele salah gunakan fali ita nia informasaun ne’ebé ita hato’o”, tenik Diretora Jerál Prestasaun Saúde Odete Viegas Iha Otel Luz Clarita, 13/04
Dra Odete reforsa tan informasaun ne’ebé ita hatoo ne’e di’ak, maibé ema ne’ebé ho intensaun atu estaraga bele difikultae fali servisu hotu, tanba media hanesan odamatan mós ba iha servisu ne’ebé MS halo no husu ba komunidade atu hakmatek iha uma, tanba dadaun ne’e moras iha ona, buka atu koopera, labele sai no halibur malu liu ema nain 5, karik liu ida ne’e sai mós vantajen ba virus ne’e atu kona.
