Reportajen SIlvino Freitas
Komisaun F iha Parlamentu Nasionál neebe trata trata asuntu Saude, Seguransa Sosial, no Igualidade Jeneru, halao vizita ba Hospital Nacional Guido Valadares (HNGV) hodi haree liu ba kazu dengue neebe dadaun nee kontinua aumenta, iha vizita ne’e komisaun F identifika fasilidade makina infus pump neebe la sufisiente atu halo tratamentu ba pasiente dengue nian, nunee komisaun F sei halo rekomendasaun ba ministeriu saude hodi haree orsamentu balun atu sosa urjente.
Prezidente Komisaun F Parlamentu Nasionál Deputada Maria Gorumali Barreto dehan, komisaun F halao vizita ba pediatria 1 too 3 inklui sala emerjensia neebe prepara ba labarik sira iha HNGV hodi haree liu ba labarik sira neebe moras dengue nunee husi vizita nee sira identifika iha HNGV sira halo tratamentu haree liu ba kazu dengue moderadu no grave maibe moras kmaan sira transfere hotu ba tasi-tolu, nunee iha vizita nee sira husu ba direjente sira atu kontinua kontrola bainhira familia sira neebe halo vizita hodi nunee sir abele uza mascara atu labarik sira neebe ho kondisaun fiziku neebe fraku presiza rekoopera.
“ita la hatene familia neebe vizita inan aman neebe hein sira iha moras neebe daet ka lae sa tan iha aman sira neebe fuma, tanba nee ami rekomenda ba dirijente sira iha ospital nasional guido valadares liuliu ba iha sala pediatria rekomenda atu uza mascara” dehan Prezidente Komisaun F Parlamentu Nasionál Deputada Maria Gorumali Barreto iha vizita ba HNGV, (04/02).
Nia dehan tan, vizita refere sira mos identifika fasilidade ba labarik sira neebe moras dengue hanesan infus pump tanba dadaun nee antisipa deit ba sala pediatria nian kuandu hasoru situasaun over leaping sira infus pump labele halo atendimentu diak tanba la sufisiente atu atende hotu tanba tenke atende hotu tanba infus pump mak halo kontrolu akurat ba sorubeen neebe labarik sira hetan, tanba nee sira halo rekomendasaun neebe forti tebes ba orsamentu sira neebe aloka ba HNGV Ministeriu Saude no INFPM ho orsamentu neebe disponivel atu bele halo kompras urjente ba ekipamentus refere.
“ida nee atu hasoru hela surtu dengue nian ita la hatene surtu foun neebe orsida mai tan, tanba agora kazu barak nunee mak ami rekomenda atu dirijente sira tanba iha fatin balun kama mamuk hela tanba nee iha nee mak sente la tama moderadu no grave bele transfere ba tasi-tolu” dehan deputada Maria Gorumali Barreto.
Fatin hanesan, Diretor Apoia Diagnostika HNGV Vidal de Jesus dehan, kazu moras dengue hahu husi janeiru too fevereiru hamutuk 447 nunee kazu sira kada loron aumenta iha ona ema nain 5 mak la konsege salva moras sira nee kada loron aumenta husi sentru saude no munisipiu barak liu mai husi munisipiu dili hanesan sentru saude formoza vera kruz komoro bekora no tuir mak munisipiu ermera no likisa, iha mos fasilidade balun hanesan infus pump hanesan makina kikoan neebe kalkula makina soru soru-been nee tanba pasiente sira hasoru surtu hanesan nee numeiru nee la too tanba nee deputadu sira mos haree orsamentu tuir lei atu bele halo kompras emerjensia makina sira nee hodi responde ba surtu dengue.
“infus pump neeb makina neebe konekta ba soru been mediku bele kalkula soru been bazeia ba nia kilo nee mak regula, dadaun nee infus pump nee iha maibe la sufisiente tanba kazu nee aumenta ba beibeik ami nia konsentrasaun nee fahe ona, uluk konsentra deit ba HNGV maibe agora ba tan lahane no tasi tolu entaun infus pump nee la sufisiente, ami sei haree koordena ho ministeriu saude atu halo kompras emerjensia” konklui Diretor Apoia Diagnostika HNGV Vidal de Jesus.
