Home Notisia Traballadór 55 ba Korea do Sul iha Area Peska, Alarico: Prosesu Lori...

Traballadór 55 ba Korea do Sul iha Area Peska, Alarico: Prosesu Lori Traballadór ba Korea La Fasil

939
0
Timor-oan sira sei arangka ba Korea du Sul. [Foto: Silvino | 08.06.2023]

Reportajen Silvino Freitas

Sekretáriu Estadu Formasaun Profisionál no Empregu (SEFOPE) hala’o serimónia despedida no aseitasaun husi familia traballdór 55 ne’ebé sei ba servisu iha nasaun Korea do Sul iha area peska nian, nune’e tenke hala’o aseitasaun hamutuk entre familia no governu hodi bele iha responsabilidade masimu husi familia no estadu.

Diretor Nasionál Emprego Exterior (DNEE) Filomeno Soares hateten, ohin hala’o sermónia despedida ba traballadór sira hamutuk 55 ne’ebé sei aranka ba Korea do Sul iha domingu, totál husi sira ne’e kompostu mane hotu no sira sei ba hala’o servisu iha area peska hotu, nune’e sira nia kontratu sei dura to’o minimu tinan 3 masimu tinan 4 fulan 8.

“Loron ohin ne’e atu konvida família sira mai para bele hala’o aseitasaun ida entre governu liuhusi SEFOPE no família sira, durante prosesu ne’e la’o alin sira mós partisipa iha formasaun barak ne’ebé ita prepara ba sira atu bele muda sira nia mentál no karakter, nune’e bele ajusta servisu ne’ebé sei akontese iha Korea do Sul” dehan Filomeno iha salaun Timor-Lodge Komoro, (08/06).

Nia dehan tan, formasaun ba traballadór sira hala’o hotu nune’e ohin husi parte família no governu hala’o aseitasaun ida atu bele husik sira sai husi Timor Leste hodi bele ba servisu iha nasaun Korea do Sul, husi seitasaun nee atu hateten katak atu husu ba familia sira katak sira prontu ona atu husik oan, katuas-oan, subriño no bei-oan nune’e bele sai husi sira nia le’et hodi bele ba servisu iha Korea do Sul.

“Maibé la’os estadu maka obriga, estadu kria oportunidade de’it maibé oportunidade ita nia oan sira maka aproveita, nune’e antes atu aproveita oportunidade sira ne’e maka husi estadu iha responsabilidade bo’ot hodi hala’o aseitasaun ho familia, nune’e bele iha responsabilidade mutua” dehan Diretór Filomeno.

Fatin hanesan SEFOPE Alarico do Rosario haktuir, durante ne’e sira ho esforsu nafatin atu trata joven sira hodi hetan oportunidade ba servisu iha rai-liur, fatin hotu sira koko hodi halo lobi maibé hetan oportunidade maka Korea do Sul no Australia, seluk sira koko halo mós lobi maibé prosesu sei neineik hanesan nasaun sira iha ASEAN no Japan sira mós presiza Timoroan atu ba servisu.

“Maibé buat hotu la fasil luihusi prosesu ida ne’ebé naruk, dalabarak ami politiku-nain sira hakarak lais maibé ita tama iha laran ita hala’o prosesu tuir mós nia prosesu ne’ebé naruk tebes no la fasil, tanba atu lori sidadaun ida husi rai ida ba rai ida presiza nia regras” dehan Alarico iha Timor-Lodge Dili.

Alarico konklui katak, iha Korea do Sul ema nia kultura la lori troka ita nia kultura, situasaun klíma ita nian la hanesan klíma iha ema nia rain, Korea do Sul iha disliplina servisu hanesan mos ho Japan, tanba ne’e bainhira hakarak ona ba servisu iha ema nia rain liu-liu Korea do Sul tenke kuidadu dignu ita nia kultura, nune’e presiza badinas no hala’o servisu tuir oras.

Print Friendly, PDF & Email

LEAVE A REPLY

Please enter your comment!
Please enter your name here