Home Justisa Avo Maria Siquinha nia Moris hanesan Vitima husi Eviksaun Eis Cazerna...

Avo Maria Siquinha nia Moris hanesan Vitima husi Eviksaun Eis Cazerna Brimob 2011

1017
0

Domingos de Andrade

Prezensa militar Indonesia iha terirtoriu Timor laran tomak konsege husik hela sofrementu lubun ba ema Timor oan rasik nebe’e maka to ohin loron mos sei senti nafatin sofrementu ne’e, susar, sakrifisiu ne’e rasik mos senti dereitamente husi Maria Siquinha Rangel nebe’e maka hanesan mos restu vitima husi akontesimentu iha Kraras nebe’e maka hanesan mos akontesementu barak iha Timor laran hanesan parte ida husi eskenariu planeadu husi forsa militar Indonesia atu hatudu ba mundu katak ida hanesan mos aktu ida husi invasaun nebe’e maka sira halo iha Timor Loro Sa’e durante tinan 24 nia laran.

Tamba ne’e hamosu hela odio, laran moras no konsiensia ba ema Timor oan hotu-hotu hodi luta atu kore a’an husi oppresaun hotu no hakat ba liberdade, no iha liberdade laran fo hela esperansa ba ema hotu atu senti no goja netik turuk husi anin liberdade ne’e. Maibe ida ne’e la akontese ba Maria Siquinha Rangel nia situasaun moris loron loron nian tamba sofre hela situasaun trauma husi sofrimentu lubuk nebe’e maka nia sei leba hela iha nia kabas no kakutak (memory) durante tinan barak nia laran relasiona ho situasaun politika nebe’e maka akontese iha rai laran hanesan akontesimentu iha tinan 1999, krize 2006, eviksaun ba eix cazerna BRIMOB iha tinan 2011, ho situasaun sira ne’e  hotu halo a’at liu tan kondisaun moris sr. Maria Siquinha Rangel nian, alende hanesan restu vitima ba akontecementu iha kraras maibe mos hanesan vitima ba eviksaun nebe’e maka akontece iha eix cazerna BRIMOB iha tempu liberdade.

Durante hela iha eix cazerna Brimob aktividade loro-loron nebe’e halao husi husi sr. Maria Siquinha Rangel atu bele sustenta nia vida moris maka hanesan dasa rai, hamos du’ut, fase roupa, hein labarik, husi uma kain ida ba uma kain seluk nebe’e maka lokaliza iha eix cazerna Brimob atu bele hetan netik hahan bikan ida, be’e kopu ida iha loron ida nia laran no karik iha ema ruma nebe’e maka laran luak bele tulun netik osan ruma ba sr. Maria Siquinha Rangel nia moris loro-loron, actividade seluk nebe’e maka nia bele halo iha nia uma rasik maka halo to’os iha uma hun, hakiak animal to’o iha loron ikus hetan mos eviksaun iha ntinan 2011 no sasan nebe’e maka iha hetan estragus total husi akontesimentu eviksaun ne’e rasik tamba animal hanesan fahi nebe’e mak iha hetan oho husi ekipa saneamentu munisipiu Dili iha nia oin kedas no halo kondisaun (trauma) sr. Maria Siquinha Rangel nian sai a’at liu tan iha momentu neba’a, entaun durante prosesu eviksaun kuando lao hela nia lakoi sai husi nia uma laran maske eskavator dudu dau-dauk nia uma, no laiha ema ida maka koko atu ajuda hasai nia husi nia uma laran rasik, maske iha minutu ikus iha ema balu mak konsege kous no hasai duni nia husi nia uma laran no tula iha kareta no lori ba iha Fokupers, Pradet maibe labele atu resolve nia problema tomak iha momentu neba’a tamba nia kondisaun trauma nebe’e maka a’as liu ona.

Depois de eviksaun sr. Maria Siquinha Rangel, sei nafatin resiste hodi hela nafatin iha fatin eviksaun maske kondisaun uma no rai la hanesan ho situasaun antes eviksaun tamba iha mudansa barak hanesan uma tengki konstrui fali ho kalen a’at no restu, rai sai klot liu tan tamba hela deit iha rai nebe’e maka partense ba kompanha Timor Estevedores nia patrimonio, meske nune’e sei iha ema barak mak sei esforsu hodi tau matan nafatin atu bele suporta nia vida moris, iha sorin seluk ho publikasaun bulletin Rede ba Rai nian mos konsege dada simpatia husi husi ema lubun ida atu tau sira nia kontribuisaun voluntariu atu tulun nafatin Sr. Maria Siquinha Rangel, nia moris loro-loron.

LEAVE A REPLY

Please enter your comment!
Please enter your name here