Home Saude EE Ba Dala 10 La Aplika Ona Auto Kuarentina, Aplika Deit Kuarentena...

EE Ba Dala 10 La Aplika Ona Auto Kuarentina, Aplika Deit Kuarentena Obrigatoriu

183
0
Koordenador Jeral COVID-19, Odete da Silva Viegas. [Foto: David da Costa | 02.02.2021]

Reportazen David da Costa Gusmao

Relasiona ho Dekretu do governu No.3/2021, 29 Janeiru ezekusaun ba Estadu Emerjensia (EE) bad ala sanolu nian, liu hosi konferensia imprensa Koordenador Jeral COVID-19, Odete da Silva Viegas iha loron 02/02 informa ba jornalista katak, foin daduk ne’e Dekreitu do  governu Nu 3/2021, konaba Estadu de Emerjensia ba dala sanolu, katak Prezidente Republika  Dekreita mos artigu konaba izolamentu  profilatiku obrigatoriu.

“Hahu Loron 3 Fevereiru ba oin, ema ne’ebe mak tama mai sei aplika ona kuarentina obrigatoriu ba sidadaun hotu-hotu, expetu ba nivel diplomata”, dehan Odete ba jornalista sira iha Palacio da Cinzas kaikoli, 02/02.

Nia dehan sidadun ne’ebe mak uza pasaporte serbisu sei obrigatoriu halo kuarentina, maibe expetu ba ema sira ne’ebe uza pasaporte diplomata mak sei autorizasaun hodi hela iha autokuarentina. Dekretu hahu iha loron 3 Fevereir ba oin sei aplika regra kuarentina obrigatoriu no karta atorizasaun antes ne’e la funsiona.

“Ami nia ekipa vijilánsia dezenha ona fatin ka ótel ne’ebé sai hanesan kuarentena ba sidadaun sira ne’ebe atu tama mai Timor-Leste”, nia dehan.

Nia konklui Ministériu Saúde nafatin apela ba ema hotu atu halo tuir prátika medidas preventivas no hametin vijilánsia iha fronteira. Ba komunidade ne’ebé iha sintomas hanesan isin manas, me’ar no inus-been favór konsulta iha fasilidade saúde ne’ebé besik.

Print Friendly, PDF & Email

LEAVE A REPLY

Please enter your comment!
Please enter your name here