Reportazen Francisco JDA
Organizasaun Alfa Star assina akordu ho governu Japaun ba implementa Projectu sistema bee moos ho bomba ba aldeia klaetrema, suku Koliate Municipiu Ermera, ho objetivu atu fasilita bee ba família area remotas hamutuk 136 ho orsamemtu rihun $90.400
Diretor Alfa Star, Albertino Emilio Franca ba jornalista sira hateten, dadaun ne’e komunidade sira susar tebes asesu ba bee moos, sira tenke la’o metru 500 too 600, tanba komunidade hela iha foho leten no sira ba kuru bee iha foho okos, entaun liga mos ho situasaun COVID-19 komunidade sira presiza tebes bee
“Projetu ne’e ohin hahú kontratu, sei hahú serbisu iha fulan oin, tanba sei halo koordenasaun ho serbisu Agua no Saneamentu no autoridade lokál sira, nune’e bele serbisu hamutuk komunidade sira. Ita hatene katak bee importante tebes, satan tempu COVID-19 ida ne’e presiza tebes bee, tan ne’e ho projeto ida ne’e espera katak komunidade sira bele lori bee besik liu tan ba sira nia uma”, hateten Diretor Alfa Star iha salaun Embaixada Japaun, 02/02.
Diretor Alfa Star agradese ba povu Japaun nia ajuda, tanba komunidade iha aldeia Klaetrema mós presisz bee moos, espera katak projetu ne’e hetan apoiu maximu hosi komunidade no autoridade lokál bele finaliza tuir tempu.
Iha Fatin hanesan Embaixador Japaun ba Timor- Leste, Kinefuchi Masami iha nian diskursu hateten projetu ne’e ho objetivu atu hadia asesu bee moos ba komunidade iha area remotas, ida ne’e sistema dada bee hosi bee matan ba komunidade Klaetrema ho unidade tanke bee tolu, torneira públiku 18 ho metru 6,581,
“Ha’u espera katak ita boot sira serbisu makaas hodi prepara projeutu ida ne’e. Ita boot sira nia serbisu adisional sei presiza tebes hodi garante konstrusaun fornesimentu bee moos ne’e sei remata duni tuir planu”, hatete Embaixador Japaun, Kinefufuchi Masami
