Home Notisia Asanami: Hakotu Impase Politika, Kombate Covid-19 no Normaliza Ekonomia, PD Prontu Kontribui...

Asanami: Hakotu Impase Politika, Kombate Covid-19 no Normaliza Ekonomia, PD Prontu Kontribui no Firme

4412
0
Prezidente Partidu Demokratiku, Mariano "Asanami" Sabino. [Foto: Santina Lucia da Costa | 29.01.2020]

Reportazen Zevonia Vieira

Relasiona ona ho koligasaun foun ne’ebe lidera hosi Prezidente partidu Congresso Nacional de Reconstrução de Timor Leste (CNRT), Kay Rala Xanana Gusmao ne’ebe laiha ona tanba KHUNTO retira ka ses an hosi koligasaun refere no la priensia ona rekezitus tuir Konstituisaun, ho nune PD mos afirma ona nia postura politiku hodi apoiu ba governasaun ne’ebe mak agora lao hela.

Neon Metin halo entrevista esklusivu ho Prezidente Partidu Demokratiku (PD), Mariano Sabino Asanami via telefone, konaba desizaun ne’ebe mak PD foti atu apoiu governasaun ida ne’e.  Ba Neon Metin Mariano Asanami hateten bainhira Orsamentu Jeral Estadu (OJE) xumba iha Parlamentu Nasional, PD ba hasoru Prezidente da Republika ho opsaun ida hakarak forma grande inkluzaun ne’ebe mak akomoda lideres partidu hotu ba deit iha tinan 3 nia laran, hodi hein eleisaun formal ida (laos eleisaun antisipada).

Asanami hateten PD nia prinsipiu mak hakotu impase politika, hodi normaliza ekonomia, tenke normaliza komunikasaun politiku no tenke aposta nafatin dialogu ba timoroan hotu para rekonnese malu, respeitu malu atu asegura ita nia estadu de direitu demokratiku ida ne’ebe mak atu lao ba oin.

Ho prinsipiu ida ne’e ba Neon Metin Asanami hateten, Prezidente da Republika rasik konsege halibur lider sira, loke dalan para partidu sira buka malu.

“Ami buka malu ho partidu sira kaer prinsipiu ida ne’e, tanba ami dehan katak eleisaun antesipada ne’e alternativa ikus liu ho ida ne’e mak ami koalia ho FRETILIN, CNRT, PLP no kHUNTO”, hateten Asanami via telefone, 27/05.

Asanami hatutan rezultadu ikus hosi enkontru ho Prezidente da Republika, hamosu opsaun rua mak hanesan viabilizasaun mai hosi PLP no FRETILIN rasik mos hanoin viabilizasaun, katak laos hamosu koligasaun no opsaun seluk mak hamosu koligasaun, mai hosi AMP antigu ne’ebe mak sira fahe malu iha VIII Governu Konstituisional mak hanesan CNRT, KHUNTO, FM, UDT ne’ebe mak mai hosi AMP antigun no bolu tan PD ho PUDD, hodi konvida tama iha koligasaun ida.

 “Entaun opsaun ne’e mak ami lori ba konferensia no desidi tuir interpretasaun ba Konstituisaun atu hamosu Aliansa Maioria Parlamentar, tuir Konstituisaun haruka entaun forma duni, ne’ebe rezulta 34 kadeira, bainhira KHUNTO ses-an maka la tuir ona rekezitus maioria parlamentar, ho ida nee mak antes loron 19 Maiu karta hosi Tribunal mai fo hatene KHUNTO ses ona hosi koligasaun, ne’e katak la tuir ona rekezitus iha ne’eba. Iha loron 19 Maiu karta mai fali no hateten laiha rekonnesementu iha tribunal ona tanba la tuir ona rekezitus maioria parlamentar”, hateten Asanami.

Ho situasaun ida ne’e ba Neon Metin lider partidu politiku ne’e hateten katak bainhira KHUNTO sai ona, partidu hotu-hotu livremente hodi mantein nia postura ba iha situasaun politika foun ne’e, PD halo nia deklarasaun liu hosi konferensia imprensa liu ba, mantein ho nia prinsipiu se deit mak bele hakotu impase, atu bele hamosu dialogu politiku ne’ebe diak liu ba ita, garantia estabilidade paz ba povu no norammaliza ekonomia, para kompania sira bele bok an fali no at liutan agora nasaun hasoru Covid-19, PD pronto para koopera atu lao hamutuk.

“Bainhira KHUNTO ses ona la priensia rekezitus maioria parlamentar entaun koligasaun foun mos laiha ona. Ohin ba oin atu fo afavor karik ba governasaun ida ne’ebe mak defende, liu-liu ba iha situasaun ne’ebe defisil, PD kaer nia prinsipiu bainhira governu ida ne’ebe defende ona konaba normaliza ekonomia, oinsa hakotu impase, oinsa mak hamosu dialogu laos uza ukun hanesan odio no vinga maibe buka dalan para respeitu malu, PD iha ne’eba. Desde PD moris, PD sempre elozia, foti sae as maun boot Kay Rala Xanana Gusmao, maun Taur, maun Mari, maun Lu Olo no maun Lere no Falintil tomak. PD kontinua tane as maske sira rasik hamrik iha idak-idak nia partidu, PD la trai no la kontra nen ema ida, maibe mantein nafatin nia lealidade, ninia postura ne’ebe mak firme ba estadu, ne’ebe bolu dehan PD ba estadu”, hateten Asanami ba Neon Metin

Asanami deklara katak PD ses hosi CNRT laos tanba PD hirus maun Xanana, nafatin foti sae as maun boot Xanana ne’ebe luta ba rai ida ne’e, mantein nafatin respeitu ba CNRT no respeitu partidu hotu maske fo apoiu ba partidu ne’ebe mak ukun hela no nafatin fo korazen para ukun ne’e ho responsabilidade.

“Atu hakotu impase politika, atu combate Covid-19, atu povu labele mate hamlaha PD prontu fo kontribuisaun iha ne’eba no firme”, deklara Asanami

Print Friendly, PDF & Email

LEAVE A REPLY

Please enter your comment!
Please enter your name here