Home Notisia Asanami: Iha Istoria PD nian Nungka Ses-an Hosi Koligasaun Iha Opozisaun no...

Asanami: Iha Istoria PD nian Nungka Ses-an Hosi Koligasaun Iha Opozisaun no Apoiu Governu

1305
0
Prezidente PD no Deputadu bankada PD , Mariano Asanami. [Foto: Zevonia Vieira | 27.05.2020]

Reportazen Zevonia Vieira

Prezidente Partidu Demokratiku (PD), Mariano Sabino Asanami liu via telefone bainhira halo entrevista ho Neon Metin relasiona ho pozisaun Partidu PD nian, hodi apoiu VIII Governu para, hodi hakotu impase politiku ne’e, tanba mos koligasaun foun ne’ebe laiha ona, banihira KHUNTO retira.

Neon Metin halo entrevista via telefone ho Mariano Asanami konaba politika PD nian ne’ebe atu apoiu estadu nee, hodi normaliza fila fali ekonomia rai  laran. Ba Neon Metin Asanami hateten hahu hosi uluk kedas iha istoria PD nian, nungka ses hosi koligasaun, hahu hosi koligasaun ne’ebe forma moris hanesan opozisaun iha tinan 2001, lao ho PSD no partidu kiik sira no hasoru maioria FRETILIN ne’ebe maioria ho 55 kadeira no lao to rohan iha tinan 2007.  Iha tinan 2007 kuandu mosu fali koligasaun foun PD rasik mak lidera AMP ne’ebe mak CNRT, PSD, ASDT ho PD no ikus partidu kiik balun mos tama tan no to’o rohan iha tinan 2012.

Iha 2012 hamrik fali halo koligasaun ho bloku partidu 3 mak hanesan Frente Mudansa, PD ho CNRT no to’o iha 2016, CNRT rasik hasai tiha PD, maibe PD deklara katak koligasaun ne’ebe iha tenke iha komprimisiu ida koalia hamutuk iha meja ida mak hases, maibe CNRT haruka karta deit ba PD atu hases, PD nafatin mantein ninian prinsipiu ho programa ne’ebe mak aprezenta ba tinan 5, aprova nafatin orsamentu no programa governu ate 2017.

Iha tinan 2017 hamrik ho FRETILIN, partidu hotu ses an, PD hamrik nafatin ho FRETILIN ate eleisaun antesipada, bainhira eleisaun antesipada remata, postura PD oinseluk ona tanba la tama ba ukun, prontu hamrik iha koligasaun no iha opozisaun hamutuk ho FRETILIN, maibe karakter opozisaun PD nian ho karakter konstruktivu katak iha buat sira ne’ebe mak tuir PD nian prinsipiu, ne’ebe governu ne’e implementa, programa ne’ebe PD defende nia fo afavor hanesan Fronteira Maritima no Planu Estrategiku Dezenvolvimentu Nasional.

Via telefone Prezidente PD ne’e husu deskulpa ba povu ho situasuan defisil ne’ebe mak foin dadauk ita hasoru, karik povu balun sente tauk, povu balun sente la asegura, liu-liu ba situasaun ne’ebe mak foin dadauk mosu iha Parlamentu.

Asanami hateten PD firme nafatin no tuir dalan Konstituisaun no dalan legal, maibe nudar partidu politiku halo deklarasaun, “insituisaun idak-idak mai iha responsabilidade para atu deklara se mak los, se mak salah no responsabilidade ne’e fila fali ba orgaun soberanu haat ne’ebe iha”.

Tuir Asanami katak maske sedauk iha Tribunal Konstituisional, sedauk iha Tribunal Supremu, tanba ne’e mak ba PD importante mak tenke aposta no halo para rekursu iha tribunal ne’e naton, para ema Konstituisionalista tenke iha, ema ne’ebe matenek iha area oioin hodi haforsa iha Tribunal Supremu no Tribunal Militar tenke iha hodi kompleta ita nia tribunal no importante mak bele defende povu no ba estadu direitu demokratiku.

LEAVE A REPLY

Please enter your comment!
Please enter your name here