Reportazen David da Costa Gusmao
Ministeriu Saude (MS) rejista tan sidadaun timoroan nain rua positivu COVID-19, liu hosi konferensia imprensa loron 03/02, Koordenador Pilar VII Dr. Nilton do Carmo informa ba jornalista sira katak ohin 3 Fevereiru 2021 husi Komisaun Nasionál rejista tan sidadaun timor-oan na’in 2 ne’ebé konfirmadu positivu COVID-19 kompostu husi feto 1 ho idade 34 no mane ida ho idade 22.
“Timoroan na’in 2 laiha sintoma, ami nia ekipa vijilansia lori ona ba iha sala izolamentu Vera Cruz”, dehan Dr. Nilton ba jornalista iha Palacio da Cinzas kaikoli, 3/02.
Nia explika Sira mai husi nasaun viziñu Indonézia husi provínsia ne’ebé la hanesan, iha loron 20 Janeiru sira tama mai Timór liu hosi pontu entrada Batu-Gade hamutuk ho pasajeiru na’in 118.
Nia salienta Ssra kumpri kuarentena obrigatóriu iha ótel la hanesan, ida iha ótel Leokase no ida seluk iha ótel Time Square.
“Ita nia ekipa vijilánsia epidemolojika ba halo teste swab dahuluk iha loron 21 Janeiru ho rezultadu teste negativu, teste daruak foti iha 1 Fevereiru no iha 2 Fevereiru rezultadu RT- PCR hatudu positivu SARS CoV-2”, esplika Nilton.
Entertantu dadus kazu foun aumenta nain 2, kumulativu kazu iha 77 no atuál baixa sae ba 24 (Dili iha 23, RAEOA nain 1).
