Home Notisia Lider Istoriku na’in 5 Asosia-an Iha Livru Buibere Hamriik Ukun Rasik An

Lider Istoriku na’in 5 Asosia-an Iha Livru Buibere Hamriik Ukun Rasik An

447
0
Seremonia lansamentu livru Buibere Hamrik Ukun Rasik An. [Foto: Media PR | 11.06.2021]

Reportajen Santina Lucia da Costa

Líder istóriku na’in lima asosia-an mós ho livru Buibere Hamrik Ukun Rasik An tanba sai autor prefasiu, nune’e, líder sira ne’e mós rekoñese no valoriza feto Timoroan sira, nu’udar parseiru luta-nain.

Aleinde Prezidente Repúblika,  prefásiu hakerek mós  husi  líder istóriku haat mak Xanana Gusmão, Dr. José Ramos Horta, General Taur Matan Ruak no Dr. Mari Alkatiri.

Livru “Buibere Hamriik Ukun Rasik An” iha dimensaun nasional, ho valor sosiál, polítiku, istóriku no edukasionál as tebes ba jerasaun hotu.

Prezidente Repúblika, Dr. Francisco Guterres Lu-Olo hateten bainhira ita valoriza feto timoroan nu’udar parseiru luta-nain, ita hasa’e mós fiar metin  ba sira nia potensialidades atu kontinua luta hamutuk ho ita ba Libertasaun Povu

“Hakarak ka lakoi, ohin loron, populasaun feto Timor-Leste, kuazi metade populasaun ita-nian. Nune’e, feto sira sai forsa boot ida ne’ébé ita labele hasees. Ho de’it feto sira-nia partisipasaun tomak mak ita bele  hetan susesu iha prosesu dezenvolvimentu ba hamenus kiak iha ita-nia Rai doben.” Dehan, Xefe Estadu iha Palasiu Prezidensial Nicolau Lobato, Bairu-Pite, Loron, 10/6.

Print Friendly, PDF & Email

LEAVE A REPLY

Please enter your comment!
Please enter your name here