Reportajen Santina Lucia da Costa
Kandidatu Prezidente Republika, Dr. Franciso Guterres Lu Olo manan votu 444 husi total válidu 1004, iha sentru votasaun Uato-Haco, Postu Administrativu Venilale, Munisipiu Baucau
Ba Neon Metin, Ponto Vokál STAE iha Postu-Administrativu Venilale, Marelino Correia hateten votasaun hahú husi oras tuku 07:00 to’o tuku 15:30 lorokraik buat hotu lao diak, votante sentru votasaun Uato-Haco ne’ebé mai husi aldeia rua hanesan Uatu-Hasa, no Uaitalibu’u, total votantes hamutuk 1064, mane 589 no feto 475.
“Rezultadu votasaun iha sentru votasaun Uato-Haco no estasaun votasaun rua hamutuk, ami konta kandidatura numeru sorteiu 6 hetan 444.” informa Ponto Vokál STAE iha Postu-Administrativu Venilale, Marelino Correia ba Neon Metin iha Sentru votasaun Uato-Haco, Suku Uato-Haco, Postu-administrativu Venilale, Munisipiu Baucau.
No votu boot daruak husi Kandidatura Numeru sorteiu 14, José Ramos Horta ho votu 200.
Enkuantu kandidatura seluk hanesan, Isabel da Costa Pereira ho votu 4, Hermes da Rosa Correia Barros ho votu 4, Maria Angela Freitas da Silva ho votu 2, Rogério Tiago de Fatima Lobato ho votu 3.
Anacleto Bento Ferreira ho votu 12, Maria Helena Lopes de Jesus Pires ho votu 12, Tito da Costa Cristóvão Pires “Lere Anan Timur” ho votu 109, Armanda Berta dos Santos ho votu 102, Antero Bendito da Silva ho votu 6.
Constáncio de Conceiҫão Pinto ho votu 2, Virgilio da Silva Guterres “Lamukan” ho votu 7, Martinho Germano da Silva Gusmão ho votu 8, Felisberto Araújo Duarte ho votu 4 no Mariano Assanami Sabino ho Votu 85
Nune’e mós rezultadu votasaun ba vota nulu 52, vota ba Branco 3, Reklamadu 4. Buletin votu ne’ebé mak simu bainhira votasaun hahú mak 550-602, no Buletin votu ne’ebé la uza hamutuk 40-47, Buletin ne’ebé mak uza 510-554, buletin abandonadu 1.
