Home Notisia MUTL: MS Laiha Transparénsia Ba Públiku Konaba Kazu Mate Depois de Simu...

MUTL: MS Laiha Transparénsia Ba Públiku Konaba Kazu Mate Depois de Simu Vasina (koresaun)

1524
0
MUTL halo konferensia imprensa. [Foto: Joanina | 06.07.2021]

Reportajen Joanina Casemiro

Movimentu Universitáriu Timor-Leste (MUTL) la konkorda total deklarasaun husi Ministra Saùde (MS) no Konsellu Ministru katak mate ba vasinasaun la bele fo sai ba públiku, tanba ne’e MUTL konsidera Ministra Saùde la iha transparénsia ba públiku kona-ba kazu mate tan vasina.

Liu husi komunikadu imprensa ne’e, Porta Voz Denis Saebaku hateten relasiona ho situasaun nasionál liu-liu programa polítika VIII governu, kona-ba programa vasinasaun politika refere, la refleta ona prinsípiu demokrasia loloos katak respeitu no dignifika valores ema moris, nu’udar prinsípiu fundamentu. por-razaun hare hosi vitima ne’ebé mate iha Munisipiu Bobonaro, Postu Administrativu Bobonaro, Suku Lour, Aldeia Olo-olo, ne’ebé hakotu iis depois de vasina.

“Bazeia ba faktus sira ne’e maka MUTL konsidera programa VIII Governu  ne’e defisiente, Mukit, inkapasidade, hodi obriga povu ki’ik ba interese sira nian,” dehan Porta Voz Denis ba jornalista sira iha Resintu Liceu UNTL, 06/07.

MUTL deklara familia matebian nia-nia konferénsia imprensa katak sira nian inan mate depois de simu vasina. MUTL husu ba governu no Ministériu relevante sira atu hapara programa vasinasaun, tanba programa refere somente halo povu ki’ik sira sofre ba dezastre ne’ebé governu rasik kria.

MUTL husu ba autoridade lokal liu-liu ba Xefe Suku no Xefe aldeia atu lalika uza podér formal, hodi obriga idozu sira tenke vasina maka hafoin simu subsídiu (terseira idade).

“Ami la konkorda total, bainhira rona deklarasaun Ministra Saúde nian katak mate ba vasinasaun la bele fo sai ba pùbliku MUTL konsideira Ministra Saùde la iha transparensia ba públiku kona-ba kazu mate sidadaun sira ne’ebé mate depois de simu vasinasaun”, deklara MUTL

MUTL la konkorda ho deklarasaun husi Konsellu Ministru, Fidelis Leite Magalhaes hatete katak sidadaun ne’ebé mate ho vasinasaun sei fo kompensaun ho montante $1.000 signifika estadu no governu la konsidera povu ki’ik hanesan ema, maibé konsidera povu hanesan sasan ne’ebé fan iha loja hodi osan troka ema nia vida.

MUTL husu ba Ministériu Saúde atu tau ekipa ida, hodi buka tuir sidadaun sira ne’ebé mak vasina ona ba doze primeiru ho doze segundu hus Sinovac no AstraZeneca ninia efeitu negativu ne’ebé iha.

MUTL mos husu ba sidadaun sira hotu, iha direitu hodi hili dalan vasinasaun tuir vontade rasik.

Print Friendly, PDF & Email

LEAVE A REPLY

Please enter your comment!
Please enter your name here