Home Justisa Lei Protesaun Labarik no Joven Iha Perigu Seidauk Aprova, Adia ba 12...

Lei Protesaun Labarik no Joven Iha Perigu Seidauk Aprova, Adia ba 12 Agostu

669
0
Labarik sira. [Foto: Zevonia Vieira | 01.07.2021]

Reportajen Francisco JDA

Komisaun F, Parlamentu Nasionál ( PN) la konsege aprova relatoriu kona ba projeitu Lei Protesaun labarik joven iha Perigu, tanba konteudu hosi relatoriu ne’e seidauk inklui hotu entidades ne’ebé hato’o paraser, tanba ne’e relatoriu refere adiante ba iha 12 Agostu, foin bele halo aprovasaun nune’e implementador ba lei ne’e mak Ministériu Solidariedade Sosiál no Inkluzaun (MSSI)  no Ministériu Interior (MI)

Tuir Presidente Komisaun F, Noe Marcal “Buka Tuir” ba jornalista sira hateten paraser sira ne’ebé hato’o hosi entidade sira hanesan sosiedade Sivil no Ministériu sira, seidauk inklui hotu, nune’e fo tan tempu ba deputadu sira estuda lai foin bele halo aprovasaun.

“Tuir agenda ami nia katak ohin halo diskusaun no aprovasaun ba relatoriu ikus ba ami nia audensias sira ne’ebé halo, maibé finalmente ohin ami la konsege halo aprovasaun ba relatóriu ne’e tanba konteudu hosi relatoriu ne’e seidauk inklui paraser no entidades sira ne’ebé konvida, entaun fo tempu ba deputadu sira hotu bele estuda tan lai,” hatete Presidente Komisaun F, Noe Marcal iha PN, 26/07

Antes ne’e Presidente Komisaun F Noe Marcal hateten katak, iha lei ne’e intensaun oinsá mak proteje labarik timoroan ne’ebé iha risku ba justica no situasaun ne’ebé mak la dun favorese, no fó moris di’ak ba oan sira ida ne’e iha intensaun hosi lei ne’e

“Ha’u hanoin relasaun Justisa ne’e la’o hela nafatin, nune’e la iha relasaun ho aktu kriminál ne’ebé akontese iha ne’e, sem toleránsia ba aktu kriminál bolu dehan violensia ne’e, la iha toleránsia se mak halo krime nia tenke hasoru Justisa,” hatete Presidente Komisaun F

Print Friendly, PDF & Email

LEAVE A REPLY

Please enter your comment!
Please enter your name here