Home Notisia Soldadu EUA ho FFDTL Sei Partisipa Iha Ezersísiu Konjuta Dalan ba Dame...

Soldadu EUA ho FFDTL Sei Partisipa Iha Ezersísiu Konjuta Dalan ba Dame 21

517
0
FFDTL ho forsa EUA. [Foto: Media Embaixada EUA iha TL | 26.07.2021]

Reportajen Zevonia Vieira

Soldadu husi Estadus Unidus Amerika (EUA) no F-FDTL sei partisipa iha ezersísiu Dalan ba Dame 21 (DbD21) husi loron 26 Jullu to’o 6 Agostu 2021, iha baze Komponente Terrestre F-FDTL nian iha Baucau, Timor-Leste.

Liu hosi komunikadu imprensa ne’ebe Neon Metin asesu hateten katak DbD21 marka tinan dahuluk ezersísiu forsa terrestre entre Estadus Unidus no Timor-Leste nu’udar parte ida kontinuasaun ezersísiu bilateral, ne’ebé dezeña hodi promove paz no seguransa rejionál.

“Ezersísiu dalan ba Dame ezemplu importante ida konaba parseria ne’ebé metin no klean liu tan entre Estadus Unidus no Timor-Leste,” Embaixador Kevin Blackstone hateten iha Baucau 26/07.

Nia hatutan ho partisipausaun iha formasaun konjunta ne’e, ita servisu hamutuk infrenta ho susesu dezafiu komun sira no iha tempu hanesan ita promove siguransa rejional no internasional. Hau hakarak agradese governu Timor-Leste ne’ebé permite ezersísiu ida ne’e lao ho siguru durante pandemia ida ne’e.

Ezersísiu ne’ebé patrosinadu husi Forsa Militar Pasífiku EUA ne’e involve soldadu Amerikanu nian 70 no F-FDTL nain 150 ne’e, sei hadiak sira nia kapasidade interoperabilidade no interkámbiu kultural.

Formsaun ne’e sei hahu ho fahe esperiensia husi espesialista sira no semináriu dezenvolvimentu profesional ne’ebé sei foka liu ba abilidade básiku infantaria, operasaun siguransa hanesan kontrolu pontu tráfiku, jestaun detensaun iha nivel kompañia no nivel ki’ik sira seluk.

Forsa Militar EUA sei halo tuir rekerimentu no guiaun sira COVID-19 nian durante hela iha Timor-Leste.  

Print Friendly, PDF & Email

LEAVE A REPLY

Please enter your comment!
Please enter your name here