Home Notisia Presiza Efetividade Komunikasaun PN no Governu, Aderito: Deputadu Sira Tenke Lee Dokumentus...

Presiza Efetividade Komunikasaun PN no Governu, Aderito: Deputadu Sira Tenke Lee Dokumentus Husi Governu

613
0
Vise-Ministru Asunto Parlamentares Aderito Hugo. [Foto: Silvino | 19.09.2023]

Reportajen Silivino Freitas

Komunikasaun efetiva entre orgaun parlamentár no ezekutivu tenke intensiva korespondensia ba ejijensia ne’ebé líder bankada sira levanta iha plenária atu responde ho lais no detallu  nomós atividade kotidiana komisaun espesializada sira nian, maske korespondensia governu nian nafatin ba ho dokumentu ne’ebé aneksa ho detallu maibé deputadu sira kontinua levanta.

Vise-Ministru Asunto Parlamentares Aderito Hugo hateten, dezde hahú husi governasaun anteriór to’o dadaun ne’e nafatin eziste reprezenta governu iha parlamentu hodi hala’o komunikasaun nune’e iha mandatu nonu governo nian maka hakarak hala’o komunikasaun ne’ebé efetivu liu entre orgaun executivu no parlamentu nian.

“Ita kontinua reforsa ekipa tékniku ne’ebé servisu kobertura ba plenária la’ós de’it plenária segunda tersa la’ós de’it mós bá iha konferénsia lidere bankada sira, maibé mós atividade kutidiana komisoens espesializada grupu parlamentu nasionál nian ne’ebé liga ba diplomásia parlamentár nian iha nivel rejionál no global” dehan Vise-Ministru Asunto Parlamentar Aderito Hugo ba jornalista sira iha parlamentu nasionál, (18/09).

Aderito dehan, presiza eleva kobertura sira ne’e tanba durante ne’e kobertura husi asuntu parlamentár nian mak haree liu de’it ba iha plenaria, konferénsia líder bankada no tenke fó andamentu ba intervensaun deputadu sira nian ba iha liña ministeriál sira atu resposta tanba ne’e tenke intensiva korespondensia sira ne’e liuhusi resposta direta husi visi-ministru asuntu parlamentár, maibé balun téknika ne’ebé detalla tenke envia ba iha ministeriu relevante para atu resposta eskritamente.

“Korespondénsia ida ne’e mak ita tenke eleva nia intesidade no resposta mós labele demora, mais ou menus intervensaun konferénsia líder bankada governante sira ne’ebé iha relasaun tenke resposta kedan iha prosima semana ba deputadu sira” dehan Aderito.

Aderito konklui, nia nafatin tenta atu resposta ne’ebé lais liu ba ejijensia parlamentu nian ho resposta ne’ebé detalladu maibé durante ne’e governante sira nafatin fó resposta no aneksa mós ho faktu sira maibé deputadu sira nafatin levanta, tanba ne’e deputadu sira presiza lee dokumentu ne’ebé resposta ho aneksa mós faktu sira, tanba membru governu sira resposta mai ho detalla tebes.

Print Friendly, PDF & Email

LEAVE A REPLY

Please enter your comment!
Please enter your name here