Home Uncategorized Covid-19 Fo Impaktu Ba Agrikultor, Celestino: Komunidade Maliana Susar Hetan Fini Agrikola

Covid-19 Fo Impaktu Ba Agrikultor, Celestino: Komunidade Maliana Susar Hetan Fini Agrikola

192
0
Porta Voz Sosiedade Sivil ba ekipa delegasaun Prevensaun Covid-19, Celestino Gusmao. [Foto: Copyright Media FONGTIL | 22.05.2020]

Reportazen Francisco JDA

Centru Informasaun Impaktu Covid-19 (CIIC) hala’o konferensia imprensa relasiona ho situasaun Estadu Emergencia no impaktu Covid- 19 ba asuntu ekonomia, liu liu iha municipiu Liquisa, Bobonaru no Covalima.

Porta Voz Sosiedade Sivil ba ekipa delegasaun Prevensaun Covid-19, Celestino Gusmao esplika katak, autoridade lokal preokupa tanba durante ne’e la iha finansiamemtu operasional, maskra, la iha bee, sabaun no susar atu organiza populasaun sira.

“Populasaun iha tentativa nafatin atu tama sai fronteira, difikuldade liu tan Municipiu Bobonaru populasaun sira hela iha sorin-sorin, uza lian no kultura hanesan ne’ebé labele trai malu. iha Maliana udan ben no irigasaun la di’ak, prátika kuda hare no natar barak la halo. Susar hetan fini agrikola no sasán sira seluk iha Maliana, nune’e tenta hetan iha mota sorin”, hateten  Celestino Gusmao iha Salaun FONGTIL, 22/05

Celestino Gusmao hatutan parseiro internasionál sira ajuda no monta ona fasilidade tanki bee iha merkadu no uma kain ho balde maibé la iha sabaun fase liman.

Maske nune’e medidas atu hamenus difikuldade ekonomia sira povu nian, autoridade lokal sira halo ona lista populasaun nian atu hetan subsidiu no submete ona ba iha nasionál no lista tomak hetan kontrola hosi autoridade nasionál, autoridade mós tama sai ona suku hodi halo sosializasaun kona ba Surtu Covid-19.

LEAVE A REPLY

Please enter your comment!
Please enter your name here