Home EduTek MESSK Inagura Edifisiu Fakuldade Medisina Siénsia da Saúde UNTL

MESSK Inagura Edifisiu Fakuldade Medisina Siénsia da Saúde UNTL

439
0
Edifisiu Fakuldade Medisina Siénsia da Saúde UNTL. [Foto: Joselina | 06.07.2021]

Reportajen Joselina dos Santos

Ministru Ensinu Superior Siénsia e Kultura (MESSK), Longuinhos dos Santos hamutuk ho Reitór Universidade Nasionál Timor-Lorosa’e (UNTL) ,João Soares Martins inaugura edifisu foun fakuldade Medisina Siénsia da Saúde FMCS-UNTL.

Liu husi diskursu inaugurasaun ne’e, Ministru Longuinhos dos Santos hateten funsionamentu edifísiu foun ida ne’e, UNTL sei hetan kondisaun ne’ebé di’ak liu atu kumpre nia misaun, hodi forma rekursu umanu ne’ebé iha kualidade liu-liu ba foinsa’e sira.

“Dezafiu ida atu hadi’a kualidade Ensinu Superior liga ho fasilidade sira, ita presiza iha instalasaun ne’ebé ho kualidade di’ak, ha’u fi’ar katak edifísiu ida ne’e iha signifikadu no importánsia bo’ot liu iha media utilizasaun tanba sei uza FMCS ne’ebé hanesan fakuldade ida ho karakterístika espesialidade,” tenik Longuinhos, 06/07.

Nia hatutan formasaun ba estudante sira iha fakuldade ida ne’e, presiza kondisaun sala aula ne’ebé adekuada ba estudante sira hanesan laboratóriu no biblioteka atu estudante sira bele asesu ho kualidade.

Iha Fatin hanesan Reitór Universidade Nasionál Timor-Lorosa’e (UNTL),  João Soares Martins hateten  maske iha situasaun ne’ebe difisil tebes moris ho situasaun Orsamentu Dua Dezima ne’ebé mak la permite atu halo konstrusaun bo’ot ba edifísiu fakuldade da medisina e Siénsia da Saude (FMCS) maibe ohin loron bele realiza.

Reitor wspera katak fakuldade Medisina Siénsia da  Saede bele utiliza infraestrutura ne’e ho di’ak, ho sala de mais moderna, komportavel ba  professors sira no estudante sira hodi bele estuda di’ak no produtivu liu tan estremu de rezultadu ensinu peskiza nian.

Iha fatin hanesan Diretór Linier & Algis  ENG UNIP-CDA,  Agustinho Alves haktuir prosesu konstrusaun ba edifísiu ne’e, sira  hahú iha fulan Novembru 2019 maibé sira  para  tiha  iha fulan Dezembru, tanba  iha situasaun COVID-19 no kontinua fali iha fulan Fevereiru 2020 no finaliza iha loron 04 de Juñu.

Orsamentu ba konstrusaun edifisiu ne’e ho montante $678.572,97, aula hamutuk 16 salas, toilet ba feto tolu no mane tolu.

Print Friendly, PDF & Email

LEAVE A REPLY

Please enter your comment!
Please enter your name here