Home Notisia Deputada Olinda Husu CAC Bainhira Mak Lori Fila Emilia Pires

Deputada Olinda Husu CAC Bainhira Mak Lori Fila Emilia Pires

1887
0
Deputada KHUNTO Olinda Guterres. [Foto: Francisco JDA | 06.05.2020]

Reportazen Raimundo Seguerau

Reprezentante povu iha uma fukun Parlamentu Nasional (PN) husu ba Comição Anti Corupção (CAC) atu determina tempu lolos, bainhira mak bele lori fila Eis Ministra Finansa, Emilia Pires mai Timor-Leste hodi bele hatan ba ninia kazu.

Tuir Deputada Olinda Guterres katak kazu Emilia Pires uluk to’o agora nia naran seidauk hamos iha Tribunal inklui kazu sira seluk, tanba ne’e ezije tenke lori fila nune’e nia bele hatan iha tribunal ba nia aktu korupsaun mak durante ne’e komete.

“Kazu Emilia Pires ho nia kolega sira ne’e iha ne’ebé, tanba saida mak to’o agora seidauk rezolve, bainhira mak atu lori fila, Emilia Pires mai kumpri sentensa iha Timor-Leste”, dehan Deputada Olinda liuhusi plenaria iha PN, Dili,  26/05.

Olinda haktuir CAC serbisu hamutuk ho autoridade legais no internasionais hodi lori fila nia mai Timor-Leste tanba Emilia Pires nia naran agora seidauk hamos no kazu koruptór iha duni ga lae hira mak rezista tia ona no hira mak rezolve ona.

Relasiona deklarasaun ida ne’e, Prezidente CAC, Sergio Hornai esplika katak kazu Emilia Pires, CAC kontinua akompaña hela, tanba kazu Emilia la’os segredu tanba julga tia ona iha tribunal, ita hein de’it ninia prosesu.

“Saida mak ita halo, ita akompaña hela katak kazu ida ne’e sei iha faze rekursu, seidauk iha desizaun tranzitu ein julgadu. Ita iha kooperasaun ida ke metin ho Prokuradór Jeral da Republika, Ministeriu Justisa nomós Instituisaun Internasional Police”,  nia afirma.

Nia hateten kazu sira ne’e ita trata nafatin, la’os CAC independentemetu halo buat sira ne’e, maibé sempre halo artikulasaun serbisu ho Prokuradór Jeral, instituisaun ne’ebé mak atu promove akuzasaun no mós halo ezekusaun bainhira nia tama ona tranzitu injulgadu.

“Ami konsidera nafatin hanoin ne’e, iha notasoes teknika balun ke hau temi, ami kaer hela iha ne’e, ami lahusik ida ne’e. Nune’e, mós Bobi Boy ninia problema, ami mós akompaña”, nia subliña.

Print Friendly, PDF & Email

LEAVE A REPLY

Please enter your comment!
Please enter your name here