Home Notisia TL Lakon Amigo Boot Ida James Dunn, Mari: James Konsistente Iha Defeza...

TL Lakon Amigo Boot Ida James Dunn, Mari: James Konsistente Iha Defeza Ba Auto-determinasaun

708
0
James Dunn eix Konsul Australianu iha Timor-Leste. [Foto: Copyright google | 03.02.2020]

Reportazen Zevonia Vieira 

Timor-Leste lakon amigu boot ida ne’ebe mak fo nia an, kontribui ba prosesu ukun rasik an. Eiz Konsul Australianu iha Timor-Leste, James Dunn, nudar Defensor boot ida ba povu Timor-Leste, hakotu nia is iha Australia.

Liu hosi komunikadu imprensa partidu FRETILIN nian, Sekretariu Jeral partidu FRETILIN, Dr. Mari Alkatiri hatoo sentiment katak, ho James Dunn nia mate, lakon amigo ida iha decade barak nia laran, luta nain koerente ida ne’ebé sempre konsistente iha defeza ba Povu Timor-Leste, ba auto-determinasaun no Ukun Rasik An.

Mari Alkatiri hatutan ba James Dunn nia koerensia no konsistensia ida ne’e duni mak iha tinan 2009, Estadu Repúblika Demokrátika Timor-Leste kondekora nia ho Medalla Ordem de Timor-Leste, nu’udar jestu apresiasaun ba ninia luta hamutuk ho povu Timor-Leste.

“FRETILIN hato’o kondolensias klean no solidariedade boot ba James Dunn nia kaben Wendy ho nia oan Murray no Christopher. FRETILIN partilla sira nia Tristeza no hamutuk ho sira iha momentu difisil ida ne’e. FRETILIN hakarak atu James Dunn nia familia tomak hatene katak la’os sira mesak mak lakon sira nia laen no aman ida, maibé Timor-Leste no FRETILIN mós lakon belun boot ida no eroi ida”, hateten Dr. Mari Alkatiri liu hosi komunikadu imprensa. 03/02.

James Dunn iha Bundaberg, Estadu Queensland, Australia, iha tinan-1928. Husi tinan-1962 to’o tinan-1964, James Dunn hala’o knar diplomátiku nu’udar Konsul Australia nian iha Timor Portuguese. Iha tinan-1974, hola parte iha misaun ida husi Australia ne’ebé atu buka hatene realidade iha Timor Portuguese hafoin Revolusaun dus Kravus iha Portugal.

Iha tinan-1975, James Dunn nomeiadu hodi lidera Australian Council for Overseas Aid (ACFOA) ka Australia nia Konsellu ba Assistensia Internasional nia misaun ida mai Timor-Leste. Misaun ne’e nia objetivu ida mak atu ajuda buka dalan ba governu Portuguese fila mai Dili.

Iha tinan-1977, James Dunn publika ninia relatoriu kona-ba krimi funu nian no krimi hasoru umanidade ne’ebé komete husi militar Indonesia iha Timor-Leste no hetan atensaun internasional. Hahu husi ne’ebá, James Dunn hahu kampaña naruk ida hodi fanu konsiensia internasional no hamoris apoiu internasional ba povu Timor-Leste nia luta ba Ukun Rasik An ne’ebé lidera husi FRETILIN.

James Dunn hala’o lobby iha Nasoins Unidas, iha Kongressu Amerikanu, iha Komisaun Eropeia, iha Parlamentu Europeia, Parlamentu Reinu Unidu, Governu sira iha Suécia, Dinamarka, Noruega, Finlandia, Olanda no nasaun seluk inklui Parlamentu Australia rasik hodi buka apoiu ba Timor-Lese nia luta.

Iha tinan-1983, James Dunn publika livru ida ho títulu, Timor: Um Povo Traído, ne’ebé dokumenta oinsa komunidade internasional no ninia rai rasik, Australia, halo traisaun ba povu Timor-Leste.

Print Friendly, PDF & Email

LEAVE A REPLY

Please enter your comment!
Please enter your name here