Home Notisia KKLN Husu Ba Maun Boot sira Tuur Hamutuk Rezolve Impase Politika

KKLN Husu Ba Maun Boot sira Tuur Hamutuk Rezolve Impase Politika

417
0
Konselho Kombatentes Libertasaun Nasiobal [KKLN] iha palacio prezidensia. [Foto: Santina Lucia da Costa | 03.02.2020]

Reportazen Santina Lucia da Costa

“Husu ba Prezidente da Republika, liu-liu maun boot sira hanesan Xanana Gusmao, Mari Alkatiri, Ramos Horta, Taur Matan Ruak, Francisco Guterres “Lú Olo” no Lere Anan Timur, atu tur hamutuk hodi rezolve impase politika ne’ebé hotu-hotu infrenta”. Riak Leman

Situasaun politika ne’ebe akontese dadauk hahu hosi tinan 2017 to’o ohin loron, ezije Prezidente da Republika, hodi kontinua halo dialogu ho entidade hotu.

Iha loron 03/02 Prezidente da Republika kontinua halo dialogu ho Konselho Kombatentes Libertasaun Nasiobal [KKLN], hodi rona sira hanoin. Hafoin remata enkontru Prezidente KKLN, Vidal de Jesus “Riak Leman” ba jornalista hateten KKLN husu ba Prezidente da Republika atu fo solusaun ba problema impase politika ne’ebe mak iha, hola desizaun ho imparsialidade tuir Lei sira ne’ebé hakerek tiha ona iha Konstituisaun.

Prezidente KKLN hatutan katak, husu ba Prezidente da Republika, liu-liu maun boot sira hanesan Xanana Gusmao, Mari Alkatiri, Ramos Horta, Taur Matan Ruak, Francisco Guterres “Lú Olo” no Lere Anan Timur, atu tur hamutuk hodi rezolve impase politika ne’ebé hotu-hotu infrenta.

“Hau hanoin uluk iha funu sira na’in hira oan ne’e mak hamutuk ho povu tomak, veteranu sira hodi hakotu funu, funu ne’ebé naruk tebes, ema barak mak mate ba rai ida ne’e, ne’ebé hau hanoin impase politika ne’ebé mosu, ida ne’e buat kiikoan, ami rai hela hanesan ne’e maun boot sira mak hanoin ba, haree ba, tanba ita nia povu ne’e terus dalabarak ona”, hateten Riak Leman iha palacio prezidensia.

Riak Leman hatutan, Ema barak terus, ema barak hein ahi lakan, estrada atu di’ak, bee moos laiha no situasaun barak mak agora infrenta hela, ida ne’e hanesan naha todan ida, serbisu todan ida ba maun boot sira no sira tenki hamutuk hodi rezolve problema ida ne’e.

Riak Leman husu ba rai lulik, uma lulik sira, matebian sira ne’ebé mate ona rihun atus rua resin, pelu menus fó hanoin ba sira took tulun ba sira, atu nune’e sira bele tur hamutuk fó solusaun ba impase politika ne’ebé ita infrenta, Prezidente da Republika uza nia knar tuir konstituisaun haruka sei fó solusaun di’ak ba ida ne’e.

 

LEAVE A REPLY

Please enter your comment!
Please enter your name here