Reportajen Agustinha Amaral
Prezidente Komisaun Reguladora Arte Marsiais (KRAM), Octávio da Conceição hateten, fundu dezenvolvementu arte marsiais ne’ebé Parlamentu aprova iha tinan 2022 ne’ebé haruka mai KRAM hamutuk 2.5 miloes, husi Janeiru to’o Abril, transfere ona 40% ba Grupu Arte Marsiais (GAM) sira.
“Komisaun reguladoras arte marsiais transfere ona orsamentu ho montante 40%, husi total hirak ne’e aloka kada organizasaun sira hodi submete fali sira nia relatóriu, depois KRAM halo verifikasaun,” hateten Prezidente KRAM iha edifísiu KRAM Bidau Lecidere, Dili, tersa, 05/09.
Nia hatutan, iha 60% ba tinan ida ne’e KRAM kontinua aloka ba pontu lima (5) importante, hanesan funsionamentu sekretariadu organizasaun arte marsiais, tanba tinan barak organizasaun arte marsiais sira eziste, sira nia administrasaun ho sekretariadu la funsiona ho di’ak.
“Tanba ne’e mak governu VIII konstituisional tinan kotuk hakarak investe no ajuda hodi kapasita organizasaun arte marsiais sira iha ein termus administrasaun, jestaun administrasaun sira, atu nune’e halo resensiamentu ka sensus pendataan angota liu husi baze dadus sira ne’ebé mak sira halo iha kada organizasaun sira,” Prezidente ne’e esplika
Ba formasaun sira no treinador inklui lider sira atu kumpri saida mak ami hakerek iha segunda diretiva KRAM, tanba kompetisaun husi organizasaun tenke iha kapasidade hodi organiza eventus desportivas iha modalidade silat no internal atu organizasaun sira hamutuk fila-fali ho Federasaun Silat Timor-Leste.
Nia hateten, atu promove modalidade silat liu husi kompetisaun silat nasional ne’ebé mak tuir planu sei realiza iha fulan novembru nia laran tinan ida ne’e no mos tinan-tinan sei kontinua nafatin hanesan ne’e hodi estabelese hodi hadi’a sira nia sede.
Maibé to’o agora organizasaun arte marsiais barak mak sede laiha entaun difisil ba sira nia lideransa hamutuk hodi kontrola sira, tanba ne’e mak tinan kotuk buka fundu no agora dadaun distribui ona balun ba iha konta bankaria kada organizasaun arte marsiais sira nian.
“Depois de sira entrega relatóriu ne’ebé hala’o husi pontu lima ne’ebé ohin temi ne’e ekipa komisaun reguladora arte marsiais sei ba halo asesu maximal hodi haree tuir no fiskaliza orsamentu ne’ebé ezekuta ona ba atividade ne’ebé mensiona iha akordu,” Prezidente kRAM akresenta.
GAM servisu hamutuk ho KRAM hodi asina akordu se uainhira laiha mak sira nia direitu ba tinan tuir mai bele hamenus husi valor inisial ne’ebé mak iha.
“Tanba ne’e iha segunda diretiva KRAM husu atu bele haforsa sira nia kapasidade organizasaun para bele iha sede hanesan organizasaun IKS-PTL KRAM bele fiskaliza atu husu kada rantin idak-idak tenke iha sede no iha treinador na’in 5 kada rantin no mos sede, iha ne’eba tenke tau Bandeira RDTL no tau fotografia lideransa sira nian iha laran ne’ebé mak tutela iha área desportu,” nia afirma.
Inklui mos manual treinamentu sira iha sede laran no organograma estrutura organizasaun nian iha sede ida ne’e mak KRAM husu, maibe iha tinan rua ba kotuk servisu lao kontinua to’o agora, no halo fiskalijasaun ba rantin sira ne’ebé mak naran tama iha KRAM sei tun ba halo fiskalijasaun se mak la implementa iha organizasaun ba regras ne’ebé mak KRAM hasai sei simu sansaun segunda diretiva husi KRAM.
