Home Notisia Numeru Suspeitu COVID-19 Sae ba 42, Positivu Kontinua 1

Numeru Suspeitu COVID-19 Sae ba 42, Positivu Kontinua 1

2015
0
Diretora Preparasaun Saude iha Ministerio Saúde, Dra. Odete da Silva Viegas. [Foto: Francisco JDA | 31.03.2020]

Konferensia Imprensa mak hato’o hosi Ofisial Ligasaun Ministeriu Saude nian no Porta Voz ba COVID-19 iha Sala de Situasaun Centru Integradu ba Jestaun Krizi (CIJK), Dra Odete Viegas dehan katak suspeitu ba COVID-19 iha 42. Numeru ne’e aumenta 7 hosi numeru 35 loron horiseik, no kazu positivu kontinua 1.

“Tuir dadus mak rekolla hosi CIJK dadus mak rekolla ona too ohin loron, iha suspeitu COVID-19 hamutuk 42, aumenta 7 hosi numeru 35 loron horiseik, kazu provavel 9, no ema ne’ebe positive kontinua ho numeru 1,” Ofisial Ligasaun Dra Odete Viegas hato’o iha konferensia imprensa, ohin 03/04, iha CIJK, CCD Dili.

Tuir informasaun mak Jornalista Neon Metin hetan hosi Dr Rui Maria Araujo horiseik (03/04), dehan katak ema ne’ebe positive la iha kontaktu ho ema ida.

“Ema mak hetan kazu positive COVID-19, bainhira nota katak iha simtomas nia izola an kedas iha aviaun laran. Hafoin ida ne’e nia izola nia an ka auto-karantena iha uma, hafoin tama iha karantena hodi hetan konsulta. Nune’e nia la iha kontaktu ho ema ida,” Dr Rui Araujo esplika liu hosi telefone.

LEAVE A REPLY

Please enter your comment!
Please enter your name here