Home Notisia CCI-TL: Impase Politika Ne’e Fo Impaktu Ba Eknomia TL, La Aseita Se...

CCI-TL: Impase Politika Ne’e Fo Impaktu Ba Eknomia TL, La Aseita Se Akontese EA

297
0
Camara de Comersiu e Industria, de Timor-Leste [CCI-TL] hasoru malu ho Prezidente da Republika. [Foto: Copyright Media PR | 03.02.2020]

Reportazen Santina Lucia da Costa

Camara de Comersiu e Industria, de Timor-Leste [CCI-TL] hetan konvite hosi Prezidente da Republika, Dr. Francisco Guterres Lu Olo, hodi rona hanoin relasiona ho impase politika.

Hafoin remata enkontru ba jornalista sira Prezidente CCI-TL, Oscar Lima informa katak seitor privadu sira lakohi akontese eleisaun antesipada. Hanesan sidadaun no emprezariais no mos Prezidente Camara de Comersiu, la konkorda eleisaun antesipada.

 Liafuan sira ne’ebé mak ami hato’o ba Prezidente da Republika serteza absoluta ké buat barak ami labele koalia só Prezidente da Republika mak bele disidi, konforme direitu Prezidente da Republika tuir Konstituisaun haruka direitu prerogativu ne’ebé mak Prezidente da Republika mak sei disidi”, hateten Prezidente Câmara de Comersiu e Industria de Timor-Leste (CCI-TL) Sr. Oscar Lima, iha palacio prezidensia, 03/02.

Prezidente CCI-TL hatutan bainhira situasaun hanesan ne’e, inklui seitor privadu sira infrenta situasuan ne’ebe la diak ba ekonomia tanba sei hakdasak tebes, emprezariu barak mak taka tiha ona.

“Situasaun ida grave, sei kontinua ba nafatin iha despresaun ekonomika, buat sira ne’e hotu halakon atividades ekonomika, kolegas balun nia funsionariu mós hasai, ida ne’e afeita, porque, dezempregu sei aas ba beibeik, sei ita kontinua nafatin ho situasaun ida ne’e, ita sei la rezolve ita nia problema”, tenik Oscar Lima.

CCI-TL ezije para resolve problema krize ida ne.e, tanba krize ne’e naruk liu ona, se lae bele hamate setor privadu sira. Husu ba maun boot prinsipal sira, tur hamutuk atu rezolve problema, se la rezolve problema mak povu mak kontinua terus, ema rai seluk sei la mai investe banihira ema rona situasaun ida hanesan ne’e.

Iha fatin hanesan, Vise-Prezidente infrastrutura CCI-TL, João Alves hateten, kapasidade kompra sei menus no dezempregu aumenta ba beibeik,  entaun dezempregu ne’e aumenta beibeik se eleisaun antisipada ne’e mosu autómatikamente laiha atividades ekonomika no atividade ekonomika sei estaknadu totalmente.

“Se di’ak liu lalika iha eleisaun antisipada, para governu bele konsentra di’ak liu tan ka estadu bele konsentra di’ak liu tan, halo nusa maka rekopera fila-fali ekonomia ne’e uluk lai, kuandu ekonomia ne’e rekopera ona dezempregu ne’e, ita komesa redus ona entaun ita buka halo nusa mak kampu de traballu bele iha fila-fali, halo ema ekonomia ida-idak sai di’ak liu tan”,  hateten João Alves.

 

 

LEAVE A REPLY

Please enter your comment!
Please enter your name here