Reportajen David da Costa Gusmao
Governu liuhosi reuniaun Konsellu-Ministru ohin aprova ona projetu Dekretu-Lei ne’ebé aprezenta husi Primeiru-Ministru, Taur Matan Ruak kona-ba atribuisaun direitu alojamentu ne’ebé dignu ba FALINTIL Forsa Defeza Timor-Leste (F-FDTL) iha servisu ativu no efetivu, no ba membru Polisia Nasionál Timor-Leste ( PNTL) sira
Prota Voz Governu, Ministru Prezidénsia Konsellu Ministru, Fidelis Manuel Leite Magalhães dehan, Projetu Dekretu-Lei ne’ebé atribui direitu alojamentu ne’ebé dignu ba militár F-FDTL iha servisu ativu no efetivu, no ba membru PNTL sira.
“Tanba razaun servisu nian, tenke muda ba atu hela iha munisípiu ne’ebé la hanesan husi ida-ne’ebé iha ninia hela-fatin abituál,” hateten Ministru Prezidénsia Konsellu Ministru, Fidelis Manuel Leite Magalhães iha Palásiu Governu, Tersa 17/05.
Nia haktuir direitu ida-ne’e konkretiza liuhusi instalasaun husi militár sira F-FDTL no militár FALINTIL-Forsa Defeza Timor-Leste, iha servisu ativu no efetivu, no membru sira PNTL nian ne’ebé, tanba razaun servisu nian, tenke muda ba atu hela iha munisípiu ne’ebé la hanesan husi ida-ne’ebé iha ninia hela-fatin abituál.
Nia salienta direitu ne’e sei konkretiza liuhusi atribuisaun uma estadu nian. Nune’e mós Estadu bele disponibiliza uma sira ne’ebé pertense ba Estadu ka aluga uma ba ida-ne’e.
