Home Notisia Adezaun TL ba OMK, Oscar: Governu Tenke Kria Kondisaun ba Setór Privadu...

Adezaun TL ba OMK, Oscar: Governu Tenke Kria Kondisaun ba Setór Privadu Nasionál

379
0
MCAE halo sensibilizasaun. [foto: Santina | 23.10.2021]

Reportajen Santina Lucia da Costa

Governu liuhusi Ministru Koordenador Asuntu Ekonómiku (MCAE) halo sensiblizasaun no konsultasaun ho setór privadu nasional sira kona-ba adezaun Timor-Leste, hodi sai membru Organizasaun Mundial Komérsiu (OMK).

Iha sorumutu ne’e, Koordenadór Sekretáriu Adezaun TL ba OMK, Cesar Dias Quintas hataten, Programa ne’e importante tebes ba Timor-Leste oinsa involve Setór Privadu hanesan pillar importante ba iha dezenvolvimentu nasional.

Nia haktuir iha prosesu no esforsu ne’ebé oras ne’e lao hela kona-ba adezaun Timor-Leste hodi sai membru World Trade Organization (WTO), presiza kamadas hotu husi varius setór iha pais ne’e hodi kontribui mós hanoin inovativus ba esforsu hirak ne’e. Hodi konsidera katak Organizaun Mundial Komérsiu nu’udar konteiner ekonomia ne’ebé halibur pais sira hodi aplika regras transaksaun ekonomia tuir prosidementus mundial nian tuir pais ida-ida nia interese nasional.

hodi bele aselera esforsu hirak ne’e, nia dehan Gabinete Ministru Koordenador Asuntu Ekonómiku liuhusi Unidade OMK hamutuk ho ekipa Grupu Traballu husi liña ministeriu relevante sira no ajensia Autônomu kuntinua halo konsultasaun hodi rona opinioen sira husi setór privadu hirak ne’ebé hamahan-an iha Câmara do Comerçio e Industria Timor-Leste (CCI-TL).

“Prosesu ida ne’e, konsege dudu maka’as halo reformasaun instituisional, buat balun ki’ik ne’ebé ita preokupa hanesan, serve mos tama iha ekipa tekniku, Alfandega, Ministeriu hotu-hotu ne’ebé sai ba iha komersiu ninian, oinsa mak ita bele reforma instituisaun ne’e atu responde nesesidade ne’ebe tuir ita presija.” Hatutan, Koordenador Sekretariu Adezaun TL ba OMK, Cesar Dias Quintas, iha Salaun Novu Turizmu, 22/10.

Iha fatin hanesan Prezidente Câmara do Comerçio e Industria Timor-Leste (CCI-TL), Oscar Lima, hateten, Organizasaun Mundiak Komersiu (OMK) ne’e organizasaun Importante ita atu hakarak ka lakohi ita mós tenki hola parte.

Prezidente CCI-TL, Oscar Lima, husu governu tenki kria kondisoen ba setór privadu nasional, prepara ema, ba jestaun, kria kondisoen para ema hetan jurus ne’ebé baratu husi Banku, lisensa kona-ba rai, lei rai nian sai ona, maibé lisensa fó ba individu ne’e seidauk iha, kria kondisoens sira ne’e para ita nia maluk sira mai husi rai seluk atu halo kompetisaun iha Timor-Leste.

“Hau fó hanoin de’it ba governu katak, antes ita atu tama Organizasaun ida ka organizasaun ne’e importante iha kompetisaun ida, entaun ita mós tenki kria kondisoens ba setór privadu Nasional, se la kria kondisoens ita aban bainrua susar, ne’e ita la tahan para atu infrenta konkordensia ne’ebé mak iha.” informa Prezidente CCI-TL, Oscar Lima.

Oscar Lima akresenta emprezarius Timoroan preparadu maibé kondisoens balun mak ami sei ezizi tan, tanba ami nia direitu tomak governu kria kondisoens bele fó buat sira hanesan buat ne’ebé prepara para ami nia emprezariu sira preparadu ba iha momentu ne’eba.

Iha fatin hanesan Eis-Ministru Koordenador Asuntu Ekonomia (MKAE) iha V Governu Konstituisional, Estanislau Aleixo da Silva, akresenta, Elementu prinsipal iha dezenvolvimentu ekonomiku ita nia rai,  Ita nia Setór privadu mak sai motor ba dezenvolvimentu, kriasaun postu trabalhos, rendimentu no buat seluk tan.

Estanislau afirma, Ita nia rain foin sai husi pos-konflitus ita infrenta situasoens barak, mudansa governu mós barak, dalaruma ho esperiensia ne’ebé iha , governu ida tama atrazu buat foun hotu, haluha tiha buat sira ne’ebé halo iha kotuk ida ne’e problema boot ida.

No nia husu ba Joven sira tenki brani para aprende husi ema sira ne’ebé iha esperiensia.

Print Friendly, PDF & Email

LEAVE A REPLY

Please enter your comment!
Please enter your name here