Home Saude 16 Abril, Deteta Kazu Konfirmadu Foun COVID-19 Hamutuk 55

16 Abril, Deteta Kazu Konfirmadu Foun COVID-19 Hamutuk 55

196
0
Ekipa vijilansia epidimiolojia. [Foto: Copyright A Bola | 19.04.2020]

Reportazen Zevonia Vieira

Ministeriu Saude (MS) ohin deteta tan kazu konfirmadu foun pozitivu COVID-19 hamutuk 55. Liu hosi zoom press conference, Kordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Dr. Rui Maria de Araújo relata ba jornalista sira katak evolusaun surtu COVID-19 iha Dili deteta kazu foun 43, nune’e, kazu detetadu ka pozitivu iha Munisipiu Dili, sura kumulativamente husi 2020 to’o ohin 16 Abril 2021 hamutuk1006.

Dr. Rui dehan hahú ohin, sei la relata dadus tuir cluster, maibe sei temi deit fatin ne’ebé kontinua deteta kazu foun iha Munisipio Dili nia laran. Husi horiseik mai ohin, fatin sira ne’ebé deteta kazu foun mak Comoro iha 12, Santa Cruz nain 9, CCD nain 6, Fatuhada nain 6, Caicoli, Becora, Laboratoriu Nasional Saúde nain 2, Vila-verde, Mascarenhas no Madohi nain 1. Iha Aileu deteta kazu foun nain 1, iha Manufahi deteta kazu foun 11.

Dadus jeral ba loron 16 Abril kazu konfirmadu kumulativu (sura hosi 2020) hamutuk 1193, kazu detetadu foun iha Dili 43 no iha municipo seluk 12. Husi total kazu detetadu foun ohin mane 29, feto 26, husi total kazu detetadu foun ohin sintomátiku nain 1, asintomátiku nain 54, kazu rekuperadu hamutuk 60, kazu ativu hamutuk 560, ema ne’ebe halo teste PCR hamutuk 1139.

Print Friendly, PDF & Email

LEAVE A REPLY

Please enter your comment!
Please enter your name here