Home Notisia TL Koopera Ho EUA Atu Rehabilita Aero Porto Baucau

TL Koopera Ho EUA Atu Rehabilita Aero Porto Baucau

133
0
Xefe Estado Maior General F-FDTL, Tenente Jeneral Lere Anan. [Foto: David da Costa | 16.04.2021]

Reportazen David da Costa Gusmao*

Xefe Estado Maior General F-FDTL, Tenente Jeneral Lere Anan hasoru malu ho embaixador Estado Unidos Amerika (EUA) iha Timor-Leste, hodi koalia konaba atu halo rekuperasaun ba rehabilitasaun aero portu Baucau iha tempu badak mai.

Tenente Jeneral Lere Anan Timor informa atu halo rehabilitasaun ba aero portu Baucau tenke halo koperasaun ho Estado Unidos Amerika (EUA) katak halo iha tinan uluk karik agora ne’e iha ona 30% ka 40%.

“Konaba rehabilitasaun ba aero portu Baucau ohin embaixador koalia mai hau katak aero portu Baucau nee podia halo iha tinan uluk karik, ohin loron ita bele dehan iha ona 30% ka 40%. maibe, tamba deit desizaun politika entaun atraza to’o agora”, Informa Lere ba jornalista sira, iha Qurtel Jeral Fatuhada, 15/04.

Nia dehan se prontu aero portu Baucau enterga ba governu mak disidi, atu tau aero portu militar no aero portu sivil governo mak sei desidi, no labele enterompe koperasaun ida nee.

“Hau fo koragen nafatin ba embaixador labele desanima, hau sei koalia ho politika sira atu ita nia aero portu ne’e lao iha ninia difinisaun ba saida? Aero portu ba militar ka sivil ne’e depois mak governu desidi, ohin nia konkorda ho ida ne’e”, nia subliña.

Iha fatin hanesan Embaixador EUA iha Timor-Leste, Kevin Blackstone Informa katak ohin hasoru malu ho Tenente Lere Anan Timor ne’e mos koalia konaba atu halo rekuperasaun ba rehabilitasaun aero portu Baucau ne’e.

“Ami kontinua nafatin halo  diskusaun ho gabinete Vise Primeru Ministro nian,  iha tempu badak bele halo, no ida ne’e tenke iha  prioridade boot ba hau, ida ne’e mak hau koalia ho  Tenente Jeneral Lera Anan”, nia dehan.

*(David da Costa Gusmao nudar estudante UNTL ne’ebe halo estajiu iha Neon Metin)

Print Friendly, PDF & Email

LEAVE A REPLY

Please enter your comment!
Please enter your name here