Home Notisia Familia Matebian Francisca Hatoo Lamentasaun Ba CIJK, Dr. Rui: Rekonnese Lakunas Hirak...

Familia Matebian Francisca Hatoo Lamentasaun Ba CIJK, Dr. Rui: Rekonnese Lakunas Hirak Ne’e

549
0
familia matebia pasiente COVID-19. [Foto: David da Costa | 07.04.2021]

Reportazen David da Costa Gusmao*

Familia matebian Francisca Gama husi munisipiu Baucau husu governu atu halo serku netik ba matebian Francisca ninia rate iha Metinaro, atu animal sira la bele sama no halo aat.

“Ami husi Familia mate bian Francisca Gama hakruk ba regra no protokolu husi OMS nian, maibe ami iha lamentasoens lubuk ida, hanesan sentimentu umanu ami tenki koalia sai, Francisca mate nudar ema timoroan iha ninia kultura, nusa mak la hameno netik nia ropa tradisional ruma, hanesan tais antes tau ba iha kaixaun, maibe ida ne’e laos protestu ba governu,” esplika familia Matebian Francisco Ximenes ba jornalista sira iha CCD hafoin enkontru hotu ho SIJK, 16/04.

Nia hatutan husi sala situasaun no governu prepara ona matebian nia kaixaun maibe, susar saida prepara mos ninia cruz ida hanesan simbolu ida hatudu dehan Francisca hakoi duni iha fatin ne’eba no nia moris iha data hanesan ne’e, no nia mate iha data hanesan ne’e, maibe ida ne’e la akontese.

“Momentu ne’eba ami familia ba, ami hakruk nafatin ba protokolu husi OMS nian, ami hamrik dook kuaze 200 metru, ami familia la prepara lilin ho ai funan ida, tuir kultura ami husi Baucau nian, mate hanesan ne’e nia oan mane no familia tenki fo ultimu homenajen ba nia inan, maibe ida ne’e mos la akontese, tanba tenki hakruk ba desizaun no protokolu Ministeriu Saede nian”,dehan familia matebian

Nia afirma, iha fatin ne’eba mós semiteriu foun, no ema ruma mak mate tan ba Covid-19 mós sei la hakoi tan iha ne’eba, hanesan asaun loron 2 ou tolu liu ba kona ba mate bian Armindo Borges ne’e, tanba ne’e sujere ba Governu atu halo serku netik ba mate bian Francisca ninia rate atu animal sira la bele sama no halo aat.

“Depois de tinan 4 ou 6 ami sei foti fila fali ninia restu mortais, hodi ba halot iha ninia moris fatin, atu halo selebrasaun tuir kultura ninian, nune’e iha loron 20 agora ami sei ba vizita ninia rate, hodi kari ai- funan, sunu lilin no harii mos nia crus”,nia hatutan.

Nune’e nia dehan, lamentasoens sira ne’e hotu laos protesta ba governu, maibe hanesan ema umanu tenki koalia sai sentimentu ne’ebe mak familia matebian senti

Iha fatin hanesan Koordenador Forsa Tarefas ba Prevensaun no Mitigasaun Surtu COVID-19, Dr.Rui Maria de Araujo husu deskulpa ba familia matebian Francisca Gama.

“Ami hanesan ekipa teknika ne’ebe halo serbisu iha terenu, ami husu deskulpa ba familia matebian, ami kompriende familia ninia lamentasoens no kestoens sira ne’ebe mak familia sira hateten, ami sei kombina para halo hamutuk, hanesan sira dehan tau tais no tau ninia krus kontemplan hotu ona iha prosedimentu”, dehan Dr. Rui.

Nune’e nia dehan, sira rekoinese lakunas sira ne’e hotu, no sira sei halo buat hotu ne’ebe mak sira bele atu nune’e la bele repete tan lakunas sira hanesan ne’e iha tempu tuir mai.

*(David da Costa Gusmao nudar estudante UNTL Ne’ebe halo estajiu iha Neon Metin)

Print Friendly, PDF & Email

LEAVE A REPLY

Please enter your comment!
Please enter your name here