Home EduTek CEFTEC Realiza Simpóziu Nasionál Hodi Kontribui Ideia Kona-ba Estabelesimentu IFCOSM

CEFTEC Realiza Simpóziu Nasionál Hodi Kontribui Ideia Kona-ba Estabelesimentu IFCOSM

155
0
SECOMS halo diskusaun. [Foto: Santy | 17.05.2022]

Reportajen Santina Lucia da Costa

Centro formação Técnica em Comunicação  (CEFTEC) realiza simpoziu Nasionál hodi halibur ideia no hanoin kritiku sira husi matenek na’in sira husi rai-laran no mós orador bainaka husi Indonesia ho Australia hodi kontribui hanoin sira kona-ba estabelesimentu Institutu de formação em Comunicação e Multimédia de Timor-Leste (IFCOSM-TL).

Tuir politika VIII Governu Konstitusional nian ne’ebé aprova programa servisu nian iha planu asaun anuál nian 2022 nian, CEFTEC sei responsabilidade ba realizasaun atividade estudu viabilidade nian Ida ne’ebé kontribui ona futuru instalasaun ba Instituto de Formação em Comunicação Social e Multimédia em Timor-Leste (IFCOSM-TL) nian, Liu husi simpoziu Nasionál ida ne’e objetivu atu rona direta opiniaun sira no ideia Sira husi matenek nain Sira iha área espesifiku nian.

Liuhusi simpoziu nasional Ida ne’e, ho ojetivu atu rona direita opiniaun Sira no idea Sira husi matenek na’in Sira iha área espesifika Sira, hodi nune’e kontribui ba prosesu elaborasaun na ezbosu Estatutu no konteudu/kurrikulu formasaun nian ba  futuru IFCOSM-TL  ne’ebé ho intensaun atu sai Sentru Exelente ida ba formasaun teknika iha setór komunikasaun sosiál.

Iha Abertura, Sekretariu Estadu Komunikasaun Sosial (SEKOMS), Mericio Juvinal dos Reis ‘’Akara”, hateten, Simpoziu ida ne’e hanesan atividade ikus ba prosesu para harii institutu profisional formasaun Jornalista sira nian, ne’ebe mak CEFTEC durante ne’e hanesan embriaun ne’ebe mak esforsu maka’as sira halo estudu viabilidade, sientifiku, prepara kurikulum, prepara rekursu umanus, tuir politika VIII Governu konstituisional.

Mericio dos Reis ‘’Akara”,  dehan, VIII Governu Konstituisional iha politika maka dehan, atu diversifika meius komunikasaun sosial, ita iha meius komunikasaun kovensional sira durante ne’e eziste, dezde ita ukun-an, media konvensional hanesan, Televizaun, Radiu, Jornal.

SEKOMS, hatutan, Teknolojia sempre iha mudansa, ita nia komunidade mós la’os hela iha fatin ida de’it, hanesan, Villa, sidade, to’o area rurais, entaun presija dezenvolve meius komunikasaun sira para bele atinji sira hotu, tanba ita presija diversifikasaun, la’os media konvensional de’it ba situasaun, ne’ebé agora ita hotu-hotu iha era-dijital, entaun plataforma dijital ne’e presija ita nia matenek seluk, ita nia skill foun tan.

Akara, Akresenta, Atividade ohin ne’e ikus atu entrega ba Ministru atu disidi, lori ba Konsellu Ministru  para desidi, CEFTEC hela nafatin ho CEFTEC  ka CEFTEC muda an ba Institutu profisional ida ne’ebe mak iha ninia autonomia juridiku, Finanseiru inklui  Administrativamente presija autonomia, tanba durante ne’e iha Ministeriu nia okos hanesan departamentu ida.

“Ita bele debate kle’an liu tan, hau husu ita nia oradór sira bele kontribui maka’as iha ne’e, para ita bele sai husi iha ne’e iha dalan di’ak ruma ba ita atu estabelese intituisaun ida ne’e.” Hateten, SEKOMS, Mericio  Juvinal dos Reis “Akarak”, iha Ambitu Abertura Simpóziu Nasional iha JL, Villa, Fatuhada, loron Tersa-feira, 17/5.

Nia dehan, Hafoin Simpoza ekipa  sei halo relatoriu final,.espera fulan Juñu nia laran ne’e tenki remata ona para entrega ba Ministru para haree politika ba oin.

Simpózisaun Nasional ne’e, Partisipa husi Reprezentante Prezidente Konsellu Imprensa (KI), Prezidente Komisaun Funsaun Publika, Prezidente Asosiasaun Jornalista Timor-Leste (AJTL), Dosente UNTL ho UNITAL, no seluk tan.

Print Friendly, PDF & Email

LEAVE A REPLY

Please enter your comment!
Please enter your name here