Home Notisia Prezidente Repúblika Lú Olo Promulga Ona Subsídiu Ba Uma Kain

Prezidente Repúblika Lú Olo Promulga Ona Subsídiu Ba Uma Kain

886
0
Prezidente Republika, Dr. Francisco Guterres Lu Olo. [Foto: Media PR | 20.05.2021]

Reportajen Santina Lucia da Costa

Prezidente Repúblika, Dr. Francisco Guterres Lú Olo, horseik 18 Maiu 2022, promulga Dekretu-Lei subsídiu iha tinan nia rohan ba uma kain ho montante fiksu US $ 200.

Liuhusi Komunikadu Imprensa ne’ebé Neon Metin asesu katak, Subsídiu ba uma-kain iha tinan nia rohan ho objetivu atu apoiu ekonomia ba famílias ne’ebé vulnerável liu hodi hetan benefísiu osan ba selebrasaun festa iha tinan nia rohan.

“Anualmente iha tinan nia nia rohan Governu aprova  halo pagamentu estraordináriu ho saláriu adisionál ba funsionáriu no ajente Administrasaun Públika  no traballadores nacionais sira seluk. Maibé halo pagamentu husi parte Estadu ba traballadores husi instituisoins públikas kria desigualdade no injustisa sosiál ba sidadaun sira seluk, espesialmente ba sira ne’ebé la hetan rendimentu mensál regular ka laiha serbisu, tanba sira ne’e mak tenke hetan benefísiu sosiál husi Estadu.” Hateten, Xefe Estadu liuhusi Komunikadu Imprensa ne’ebé Neon Metin asesu iha Palasiu Prezidensial Nicolau Lobato, Bairu-Pite, Dili, 19/5.

Benefisíariu sira husi subsídiu iha tinan nia rohan mak uma kain sira ne’ebé rejistadu iha “Livru Rejistu Uma Kain” iha suku sira iha territóriu nasionál  tuir Diploma Ministerial númeru 49/2017, 23 agostu, no prezente hela iha territóriu nasionál bainhira halo pagamentu.

Uma Kain sira ne’ebé sei hetan subsídiu ne’e mak uma kain ho rejistu efetuadu to’o 28 Fevereiru 2022. Bainhira auzente  iha tempu halo pagamentu tenke aprezenta justifikasaun ne’ebé bele simu. 

Print Friendly, PDF & Email

LEAVE A REPLY

Please enter your comment!
Please enter your name here