Home EduTek KI-UNDP Ensera Treinamentu Jurnalismu Komprensivu Ba Dahaat nian

KI-UNDP Ensera Treinamentu Jurnalismu Komprensivu Ba Dahaat nian

255
0
enseramentu formasaun jurnalismu komprensivu UNDP-KI. [Foto: Adroaldo | 28.11.2020]

Reportazen Adroaldo ‘Saretukau’

Konsell Imprensa (KI) ho United Nation Development Programme  (UNDP) liu hosi projeitu Eleitorál nian, ofisialmente ensera treinamentu jurnalismu komprensivu dahaat ne’ebe halao durante semana rua nia laran.

Iha enseramentu ne’e Diretor Ezekutivu KI, Rigoberto Montero hateten treinamentu jornalistiku ne’e ohin ofisialmente ensera tamba kompleta ona semana rua, tan ne’e nia agradese ba UNDP no Ajénsia Kooperasaun Estadu Koreanu (KOICA) ne‘ebé komitidu nafatin, serbisu hamutuk ho Konsellu Imprensa hodi kapasita jornalista timoroan atu sai profisional liu tan iha futuru.

Ho formasaun ne’e Direitor KI hein katak kooperasaun ne’e kontinua nafatin, liu hosi apoiu UNDP no KOICA.

Iha fatin hanesan Xéfe Governansia UNDP, Youngchan Kim hato’o nia agradesimentu ba servisu hamutuk entre KI ho UNDP iha programa kapasitasaun ba jornalista sira.

“Agradese ba KI nia protidaun hodi serbisu hamutuk ho UNDP ba susesu formasaun ida ne’e, la haluha hato’o apoiu jenerozu hosi KOICA, KI no UNDP nia aktividade ne’e”, hateten Kim iha enseramentu jornalizmu kompriénsivu sesta ne’e iha Salaun KI, Kintal Boot, 27/11.

Liu hosi treinamentu refere jornalista sira hosi media online neen, aprende materiasira étika jornalizmu, oinsa dezenvolve istória, tékniku entrevista, ortografia Iingua Tétum, gender sensitive reporting, digital security, foto journalism, video journalism, planu kobertura, jornalizmu rádiu, onsite visit no prátika news room.

lha sorin seluk, treinamentu ne’e mos inklui sesaun ida hanaran critical thinking (hanoin krítiku) ne’ebé organizador konvida péritu sira, atu koalia konabá asuntu sira hanesan ambiente, COVID-19 no eleisaun inklusivu hodi loke jornalista sira nia hanoin atu sai krítiku.

Totál benefisiáriu sira ne’ebé hetan ona sertifikadu hosi jurnalizmu kompriénsivu husi kedas tinan 2018 to’o tinan 2020 hamutuk 183 no fasilitador ka treinador sira mai hosi KI, UNDP no treindor parseiru internasional sira hanesan Austrália, Southeast Asia Press Alliance (SEAPA) no Indonézia.

Formandu sira ne’ebé partisipa iha treinamentu ne’e mak mai hosi média online sira hanesan, Neon Metin, Lafaek News, Timor News, Sentru Mídia Investigativu, média Naunil, média Lalatak, média Falur Matan no Peace Center UNTL.

Antese ne’e partisipante sira mos partisipa formasaun iha Municipio Bobonaru hodi partisipante sira bele hatene situasaun fronteira relasiona ho seguransa no COVID-19, ne’ebe inklui mos jornalista voluntariu sira hosi radio komunidade Maliana.

Print Friendly, PDF & Email

LEAVE A REPLY

Please enter your comment!
Please enter your name here