Home Notisia Harii Estadu Soberanu Ho Konstituisaun Simplis Maibe Naton Atu Ukun Rasik-an

Harii Estadu Soberanu Ho Konstituisaun Simplis Maibe Naton Atu Ukun Rasik-an

753
0
Prezidente Republika, Dr. Francisco Guterres Lu Olo. [Foto: Media PR | 28.11.2020]

Reportazen Zevonia Vieira

“Ita-nia identidade nu’udar timoroan, mak Comité Central FRETILIN (CCF) deside halo proklamasaun Unilateral Independénsia, iha 28 Novembru 1975. Órgaun másimu ne’e deside mesak hatún bandeira kolonial portugeza no hasa’e fali bandeira RDTL, nu’ udar símbolu ba estadu soberanu no independente Timor-Leste akompaña ho Hinu Nasionál, Pátria Pátria”. Lu Olo

Povu maubere komemora loron proklamasaun independensia ba dala 45 iha municipiu Liquisa, iha loron 28 Novembru 2020.

Liu hosi deskursu ofisial Prezidente Republika, Dr. Francisco Guterres Lu Olo hatoo katak selebrasaun ba tinan ida ne’e municipiu Liquisa mak sai fatin hodi hamanas ita nia nasionalimsu no patriotism iha loron istoriku ida ne’e.

“Ita hala’o ona atu formál hasa’e Bandeira RDTL akompaña ho ita-nia Hinu Nasionál, nu’udar símbolu rua ba soberania, independénsia, unidade no integridade Timor-Leste nian. Ho serimónia ida ne’e ita-nia neon halai kedas ba ita-nia luta libertasaun nasionál naruk no nakonu ho susar oioin.   Ohin ita afirma nafatin ita-nia identidade nasionál, ne’ebé identifika ita nu’udar povu úniku ho kbiit rasik no hakarak rasik, harii nasaun – hanaran kedas Timor-Leste, bainhira ita hahú movimentu libertasaun nasionál iha 1974”, dehan Prezidente Republika

Nia afirma katak ita-nia identidade nu’udar timoroan, mak Comité Central FRETILIN (CCF) deside halo proklamasaun Unilateral Independénsia, iha 28 Novembru 1975. Órgaun másimu ne’e deside mesak hatún bandeira kolonial portugeza no hasa’e fali bandeira RDTL, nu’ udar símbolu ba estadu soberanu no independente Timor-Leste akompaña ho Hinu Nasionál, Pátria Pátria.

Iha 30 Novembru 1975, membrus governu dahuluk Timor-Leste halo juramentu serví Povu no Nasaun Timor-Leste, iha Palásiu Lahane-Díli. Ita harii ita-nia estadu soberanu no independente ho Konstituisaun kiik no simples ida, maibé naton atu ukun rasik-an no hetan rekoñesimentu husi komunidade internasionál iha 2002.

Relasiona ho istoria importante ne’e, liu hosi loron proklamasaun Prezidente Republika haklaken ba maluk sira, liuliu ba joven sira atu komprende didi’ak signifikadu loron ohin nian.

Nia haktuir katak hafoin konflitu armadu entre timoroan iha fulan Agostu 75 remata no FRETILIN ukun “de faktu” no tanba Portugal la fila nu’udar poténsia administrante ba Timor-Leste, Comité Central FRETILIN iha hanoin atu proklama independénsia Timor-Leste nian, iha loron 1 Dezembru 1975.

Maibé tanba inimigu hahú tama dadaun mai  ita-nia territóriu laran, husi fronteira-rai,  líder FRETILIN sira adianta tiha proklamasaun unilaterál independénsia ba loron 28 Novembru 1975.

Nasaun lubuk ida, inklui eis-kolónia lima Portugal nian iha Áfrika hanesan Moçambique, Angola, Guiné-Bissau, Cabo Verde no São Tomé e Príncipe rekoñese kedas proklamasaun unilateral independénsia husi FRETILIN iha 28 Novembru 1975.

Ho tan Nasaun balun seluk  ninia apoiu no komunidade internasionál ninia dedikasaun tomak, tinan ba tinan, mak ita konsege kaer metin kestaun Timor-Leste iha ajenda Nasoins Unidas to’o hetan Ukun Rasik-an, liuhusi Referendu organiza husi ONU rasik.

Print Friendly, PDF & Email

LEAVE A REPLY

Please enter your comment!
Please enter your name here