Home Notisia Promove no Asegura Dezenvolvimentu Inkluzivu iha Timor-Leste Importante

Promove no Asegura Dezenvolvimentu Inkluzivu iha Timor-Leste Importante

230
0
Silvia Soares hos RHTO. [Foto: Copyright Oxfam | 28.11.2020]

Reportazen Zevonia Vieira

Oxfam hatoo agradese wain ba Ministeriu Obras Publiku (MOP) ne’ebe promove no orienta kada investimentu iha edifisiu publiku no komersial sira, tenke inklui asesbilidade no nesesidade ba Ema ho Difisiensia nian, liu hosi despaxu Nu.07/MOP/VIII?2020 ne’ebe publika ona iha Jornal da Republika. Dezenvolvimentu Inkluzivu liu husi polítika fiscal tinan 2021 sai sasukat hodi prova kometimentu MOP nian tuir jornál da repúblika Nu 07/MOP/VIII/2020 ne’ebé vigor ona.

Relasiona ho importansia hosi halo investimentu iha edifisiu publiku no komersial sira,

Oxfam iha parseiria ho Raes Hadomi Timor Oan (RHTO), Asosaiun Ema ho Defisiensia (ADTL), Core Group Transparancia (CGT), Rede Feto no Mata Dalan Institute aliña no sai vanguarda ba kometimentu ida ne’e, liu husi tau matan ba kada Ministériu nia polítika alokasaun orsamentu tinan 2021 ba dezenvolvimentu inkluzivu. 

Oxfam, Raes Hadomi Timor Oan (RHTO), Asosaiun Ema ho Defisiensia (ADTL), Core group Transparancia (CGT) Rede Feto no Mata Dalan Institute haksolok atu kontinua fó hanoin no serbisu hamutuk nafatin ho governu Timor-Leste ba mudansa ne’ebé di’ak  no promove dezenvolvimentu  inkluzivu iha Timor-Leste.

Diretor Ezekutivu ADTL, Cesario da Silva  hatoo sentimentu relasiona ho despaxu hosi Ministeriu Obras Publiku (MOP) katak ADTL orgullu no kontente ho despaxu asegura no asesu ba sidadaun ho difisiensia ba edifisiu publiku no komersiu sira. Ba ADTL situasaun ida ne’e konsidera nudar susesu ida durante ne’e halo serbisu hamutuk ho parseiru sira hanesan Oxfam.

Ami konsidera susesu hosi advokasia ne’ebe ita halo hamutuk ho parseria sira hanesan Oxfam. Ami rekonnese katak serbisu lubuk ida ne’ebe halo spesifiku, liu-liu bai ha Ministeriu Obras Publika nian no hetan duni despaxu hosi MOP”, hateten Diretor Exekutivu ADLT, 27/11.

Nia dehan ho despaxu ne’ebe mak fo sai ona liu hosi Jornal da Republika, ADTL iha esperansa boot katak bele asegura nia implementasaun. Hare hosi detallu despaxu ne’e ho nia regras, liu-liu hosi advokasia ne’ebe durante ne’e halo ona, hare mos konaba deliberasaun dezenhu katak nia standarte aplika universal tuir rezolusaun ka dektretu ne’ebe iha.

Nune’e ita asegura ona atu Ministeriu Obras Publika tau iha konsiderasaun ba iha implementasaun projetu sira, hodi asegura asesibilidade. Ita nia espektativa sei halo monitorizasaun ba implementasaun projetu sira, inkluis ba asesibilidade edifisiu sira, ho alokasuan Orsamentu Jeral Estadu (OJE) importante los hodi asegura partisipasaun ema ho difisiensia iha prosesu dezenvolvimentu”, dehan Diretor Exekutivu ADTL.

ADTL rasik sei kontinua halo advokasia no aprosimasaun ba ministerium relevante sira , hodi bele asegura labele husik ema ida iha kotuk.

Lia menon ba governante no mempru Parlamentu hotu katak sei ita la asegura dezenvolvimentu inkluzivu, ita la asegura ema ida sei iha kotuk, ita la inklui asuntu difisiensia iha programa sira hotu no ita la aloka orsamentu ba asuntu ema ho difisiensia, makai ta sei la atinji meta hosi objetivu dezenvolvimentu nasional.

#SuraHoHauIhaOrsamentuEstadu2021

#DezenvolvimentuInkluzivu

Print Friendly, PDF & Email

LEAVE A REPLY

Please enter your comment!
Please enter your name here