Home Uncategorized Belun Realiza Formasaun Konaba Prevensaun Konflitu Ba Joven Sira

Belun Realiza Formasaun Konaba Prevensaun Konflitu Ba Joven Sira

211
0
Formadora Maria Fatima Sarah fasilita treinamentu ba joven sira iha Belun. [Foto: Francisco JDA | 01.02.2020]

Reportazen Fransciso JDA

NGO Belun realiza formasaun  konaba rezolusaun konflitu, ho tema “Rezolusaun Konflitu Mediasaun Joven Autor ba Mudansa”, ho objetivu oinsa ajuda joven sira iha inisiativa, bele halo prevensaun iha komunidade.

Formasaun ne’e halo ba joven, estudante hosi suku no universidade, durante loron haat nia laran. Hosi formasaun ne’e atu hare liu ba insidente ou violensia ne’ebe akontese iha komunidade, saida mak joven bele halo atu atua insidente ka violensia ne’ebe mosu iha komunidade nia leet.

Tuir Formadora Maria Fatima Sara informa ba Neon Metin hatetne hosi treinamentu ne’e oinsa atu ajuda joven sira no iha inisiativa atu harii paz liu hosi organiza malu,  kria eventu hodi priense ba atividade liu -liu iha sira nia komunidade.

“Bele kria amizade, solidariedade, unidade iha sira nia komunidade, sira ne’e mesak idade juventude foinsae,  sira bele diside ba sira nia an katak violensia ne’e la diak, nune’e presiza halo prevensaun dala barak autor hosi violensia ne’ebe akontese iha ita nia rain ne’e, kuaze idade joven mak barak, tan ne’e mak foka liu ba sira, nune’e sira sai hanesan autor ida hodi harii paz halo prevensaun ba violento no konflitu ne’ebe akontese iha sira nia komunidade”, dehan formadora Maria Fatima,  iha Farol 31/01

Formadora ne’e mos hatuan durante loron haat ne’e materia ne’ebe fahe ba ba joven sira mak haklean konnesimentu iha area violensia no konflitu, no mos violensia bajeia ba jeneru nune’e oinsa mak joven sira bele hatene, tanba ema hotu iha konflitu nune’e, dalan ida atu maneja konflitu ho diak.

“Saida mak sira atu halo hodi fo tulun ba vitima sira hosi violensia bajeia ba jeneru, hosi pratika sira aprende oinsa atu refere kazu, motiva sira bele foti asaun ruma wainhira sira hare, hasoru ba violensia ne’ebe akontese, aprende mos kona ba abilidade komunikasaun, tanba konflitu ne’ebe hakat ona ba violensia barak liu mak baze ho komunikasaun, tanba daluruma afeta ba ema nia mentalidade halo ema sente la iha vontade ida ne’e mos bele hamosu violensia”, tenik formadora

Iha fatin hanesan partisipante Joni Alves hatete materia sira ne’ebe aprende durante loron haat nia laran, bele sai hanesan referensia ida nune’e bainhira fila ba sosiedade ka familia bele aplika.

“Hau foti referensia barak, durante loron haat ho senti orgulho tebes, bele hola mos parte iha atividade ida ne’e, espera ba oin atu kontinua tanba interesante los iha pratika barak kontente no hakarak partisipa hodi aprende”, tenik Joni

Joni mos hateten hosi treinamentu ne’e enkoraza jovem hotu, oportunidade diak no nafatin involve, hodi aumenta liu tan esperensia no konnesimentu nune’e bele aplika iha moris loron-loron. Partisipante hosi treinamentu ne’e hamutuk 16,  feto nain hitu no mane nain sia

LEAVE A REPLY

Please enter your comment!
Please enter your name here