Home Notisia SEII Realiza Workshop Validasaun Revizaun PAN-VBJ Faze Datoluk Ba Pillar 3

SEII Realiza Workshop Validasaun Revizaun PAN-VBJ Faze Datoluk Ba Pillar 3

161
0
SEII hasai foto hamutuk ho parseiru sira iha Delta Nova. [Foto: Santy | 24.05.2022]

Reportajen Santina Lucia da Costa

Sekretaria Estadu ba Igualdade no Inkluzaun (SEII) realiza workshop Validasaun kona-ba Revizaun Planu Asaun Nasionál Violénsia Bazeia ba Jéneru (PAN-VBJ), faze datoluk nian ba iha pillar tolu, revizaun PAN-VBJ ne’e  ba tinan 10 nian.

Iha abertura Sekretaria Estadu ba Igualdade no Inkluzaun (SEII), Maria do Rosário Fatima Correia, hateten, Objetivu husi Workshop ne’e, atu haree ba validasaun ikus, karik iha pontus ruma ne’ebé mak seidauk inklui, ita inklui fila-fali, karik asuntus ruma ne’ebé ladun pretenente ona iha situasaun real ita bele hasai.

Maria do Rosario Fatima, informa, PAN-VBJ haree ba iha pilares tolu mak hanesan,  prevensaun, asistensia sosiais no asistensia legal ka asistensia  akompañamentu vitima sira ba iha Sistema formal. Uluk ita iha pilares haat, maibe aborda ho pillares tolu ne’ebé mak, primeiru halo prevensaun halo kedas ona monitorizasaun avaliasaun.

“Husi validasaun ne’e rasik hau haree katak, ita atu integra mós, ita uluk iha pilar haat mak hanesan, asisténsia prevensaun, asisténsia uma-mahon, asisténsia legal no monitorizasaun no avaliasaun. Entaun pillar haat ne’e ita atu konsentra fali ba pillar ne’e hotu, atu bele hafasil halo monitorizasaun kada pillar tolu ne’e, entaun ita haree hamutuk fila-fali oinsa nia vantajen ho dezvantajen oinsa. Karik durante ne’e iha ona mais, karik la maksimal atu halo implementasaun haree ba iha parte hotu-hotu nia responsabilidade.” Dehan, SEII, Maria do Rosário Fatima Correia iha Salaun Delta-Nova, loron 24/5.

SEII, hatutan, Uluk iha pilar tolu, iha NGO tolu maka hamutuk ho Ministeriu relevante sira atu halo ba iha implementasaun mak hanesan, Prevensaun Alola Fundation, FOKUPERS haree ba uma-mahon, no ALFELA, ne’ebé SEII rekoñese katak, durante ne’e ladun iha maksimal atu komunika malu oinsa bele haree ba iha pilar sira ne’e hotu.

Maria Do Rosario, afirma, Wainhira ita restaura independensia 20 anos ona. Iha altura tinan 2000 kuaze organizasaun sosiedade sivil ho mós Governu rasik, mai ho Gabinete asesoria  Promosaun Igualidade , nakfila ba SEII mai ho politika ida muda naran, maibé ninia objetivu hanesan, primeiru halo estratejia abordajen integradu jeneru iha politika, iha leis, planu no orsamentu kada Ministerial sira. No segundu maka oinsa atu hakbiit iha area ekonomika. Terseiru  oinsa maka atu halo prevensaun violensia kontra feto no labarik. Haat maka atu mós hasa’e partisipasaun feto iha vida politika atu foti desijaun iha nivel nasional, Munisipal no lokal, ne’e SEII nia objetivu.

Nia akresenta, Ita haree katak kazu violensia domestika nafatin numeru aas, karik  prejensa lei kontra violensia domestika iha tinan 2010 ho sosiedade sivil no SEII rasik altura ne’eba halo esforsu maka’as iha lei kontra violensia domestika ne’ebé mak mai ho  difinisaun krimi publik. Ema hotu iha direitu atu hato’o keixa wainhira kuandu kazu violensia domestika iha kontextu uma laran.

Entretantu, Nia realsa tan katak, SEII rasik iha impoderamentu ekonomia feto iha area ekonomia, entaun VIII Governu Konstituisional iha kumprimisu fó orsamentu rotativa ne’ebé mak orsamentu mai husi suvensaun publik lori ba iha rotativa, Grupu ida husi SEII sesante Kria benefisiariu sira ne’ebé maka iha suku, grupu ne’ebé maka uluk hetan ona benefisiu husi governu ne’e la fó, ami fó ba grupu ne’ebé seidauk hetan benefisiu husi governu.

“Iha tinan 2019-2020 ami iha suku 171 maka hetan ona, agora dadaun kontinua fó ba suku 200 ital, foin lalais aprova ona kontratu, ita espera katak, fulan ida ne’e bele realiza, orsamentu ne’e bele ba ona grupu benefisiariu. Grupu Benefisiariu sira ne’e, ba grupu ida hetan $ 2000 dollar. Sé karik grupu ne’e hetan benefisiu husi osan ne’e, wainhira rendimentu di’ak osan sira ne’e ba fali grupu seluk, osan sei la ba fali Governu, maibé ho durasaun ne’ebé la’os determina, depende ba sira nia rendimentu ne’ebé mak wainhira sira hetan ona osan inan sira sirkula fali ba grupu seluk, sira uza mak osan funan ne’ebé sira hetan.”Haktuir nia.

Partisipante sira ne’ebé partisipa iha Worshop ne’e mak hanesan, Lesbian Gay Bisexual Transgender and Intersex (LGBTI), Plan Internasional, NABILAN, FOKUPERS, Fundasaun ALOLA,  Asistensia Legal ba Feto no Labaril (ALFeLa), PNTL, Konsellu Imprensa (KI), no seluk tan.

Print Friendly, PDF & Email

LEAVE A REPLY

Please enter your comment!
Please enter your name here