Home Saude Labarik Kuaze 48% Sofre Mal-nutrisaun no Moris Kiak Iha Territóriu Timor-Leste

Labarik Kuaze 48% Sofre Mal-nutrisaun no Moris Kiak Iha Territóriu Timor-Leste

312
0
Prezidente Institutu Para Defeza do Direitus Das Crianças, Institutu Públiku (INDDICA, I.P), Dinorah Granadeiro halo entrevista ho jornalista sira. [Foto: David | 24.05.2022]

Reportajen David da Costa Gusmao

Prezidente Institutu Para Defeza do Direitus Das Crianças, Institutu Públiku (INDDICA, I.P), Dinorah Granadeiro relata dadus husi Ministériu Finansas (FM), Diresaun Estatístika ne’ebé serbisu ho Institutu ba Defeza Direitu Labarik nian, hatudu katak 48% labarik iha Timor-Leste daudaun ne’e kontinua sofre hela ba mal-nutrisaun no moris kiak iha territóriu Timor.

Nia dehan relatóriu ne’e hala’o kada tinan ha’at, husi MF no INDDICA, hodi hare ba situasaun labarik sira nian liu-liu iha setór edukasaun, saúde mak hanesan mal-nutrisaun, saneamentu no ijiene, inklui ba asuntu prevensaun no protesaun labarik sira nia lalaok.

Nia afirma relatóriu ne’e deteta katak 48% labarik sira husi populasaun Timor sofre hela ba mal-nutrisaun no moris iha kiak nia laran.

Dinorah hateten informasaun hirak ne’e ba jornalista sira iha salaun auditoria Kayrala Xanana Gusmão, Ministériu Finansas Aitarak-Laran, Tersa 24/05.

“Iha polítika governu nian atu implementa redús númeru mal-nutrisaun no númeru kiak iha Timor mak , daudaun ne’e INDDICA serbisu ho liña Ministerial sira hodi bele tulun ba programa sira ne’e. Ministériu ne’ebe sai promotór ba situasaun labarik sira, mak iha Liña Ministeriál ha’at, ne’ebe foka liu ba situasaun labarik sira nian, maibé la taka dalan ba Ministériu hotu, hodi apoiu programa labarik sira nian”, dehan Dinorah

Ministeriu sira ne’ebe sai xave mak hanesan Ministériu Saúde (MS), Ministériu Solidariedade Sosial no Inkluzaun (MSSI), Ministériu Edukasaun Juventude no Desportu (MEJD) no Ministériu Justisa (MJ)

Dadus husi Sensu tinan 2015 Populasaun Timor-Leste iha millaun resin, ne’ebé husi  50% maioria labarik. Nune’e atu redús no alkansa problema ne’e maka INDDICA kontinua sensibiliza, halo advokasia no promosaun ba populasaun hotu, hodi hasa’e sira nia koñesimentu nune’e bele garante moris dignu ba labarik Sira.

Print Friendly, PDF & Email

LEAVE A REPLY

Please enter your comment!
Please enter your name here