Home Notisia CAC Rejistu Kazu Total 73, Sergio: Apresia PN Tanba Prioritiza Lei Anti...

CAC Rejistu Kazu Total 73, Sergio: Apresia PN Tanba Prioritiza Lei Anti Korupsaun

1578
0
Komisariu CAC Sergio Hornai Koalia ba Jornalista Sira (Foto: Frans JDA)

Reportazen Raimundo Seguerau

Comição Anti Corupsaun (CAC) halo aprezentasaun relatoriu serbisu CAC nian ba tinan 2019 iha Parlamento Nasional (PN), iha relatoriu ne’e instituisaun governu hamutuk 10 Ministeriu Interior, Ministeriu Justisa, Ministeriu Edukasaun, PNTLno ministeriu sira seluk tan mak inklui iha laran.

Prezidente CAC, Sergio Hornai dehan kazu ne’ebé sira komete hanesan kazu pekulatu, pekulatu de uzu, trafiku influensia, abuzu de poder, enrikesimentus ilisitus, partisipasaun ekonomia iha negosiu, administrasaun da noza, falsifikasaun nomós krime sira ne’ebé mak posibilita iha nakait ba tipu de krime sira hanesan money laundry, trafiku ema no sira seluk tan.

Sergio Hornai relata katak relatoriu ba tinan 2019 nia kazu total 73, husi numeru refere, kazu ne’e mai husi instituisaun 10 ne’ebé mak CAC identifika iha tinan 2019 nian.

Husi kazu 73 ne’e, Prezidente CAC esplika katak iha kazu 60 mak Ministeriu Publiku delegasaun kompetensia ba CAC hodi promove ba investigasaun no iha investigasaun ne’e kazu 43 mak CAC submete ba Ministeriu Publiku (MP), atu nune’e bele promove ba akuzasaun ka arkivamentu parsial depende ba desizaun Ministeriu Publiku.

“Ida ne’e parte investigasaun ninia, alende ne’e CAC mós halo serbisu prevensaun, sensbilizasaun publika, mak halo auto stop, halo vizita supreza ba instituisaun sira, halo estudu ba instituisaun sira atu bele rekolla informasaun”, hateten Hornai iha Parlamentu Nasional, 26/05.

Hornai hateten razaun prinsipal ba CAC halo serbisu sira ne’e, tanba hakarak hasa’e ita nia integridade liu-liu organizasaun ka instituisaun sira ninia funsionalizmu publiku ho objetivu atu bele manan nafatin integridade iha ita nia persepsaun perante komunidade nasionál no internasionál.

Husu kona-ba PN halo ona ajendamentu prioridade ba Lei Anti Korupsaun nia dehan, apresia ba Parlamentu Nasional tanba bele tau prioridade ba Lei ne’e. Tanba ne’e, nian husu ba orgaun estadu haat hanesan Prezidensia da Republika, Governu, Parlamentu Nasional no Tribunais inklui sosiedade sivil no média atu kontribui ba Lei CAC, atu nune’e rezultadu husi Lei ne’e bele di’ak ba ita hotu.

Iha fatin hanesan Vice Prezidente Bankada PLP, Francisco de Vasconcelos apresia ba rezultadu serbisu CAC nian no sujere kontinua halo serbisu di’a,k tanba Parlamentu Nasional oras ne’e iha komprimisu polítika apoiu CAC liu hosi aprovasaun Lei CAC iha tempu badak nia laran.

“Ami apresiza ba relatoriu annual husi CAC nian, tanba relatoriu ne’e deskreve kona-ba planu, atividade no estratejia oinsá ita luta kontra korupsaun”, hateten Francisco de Vasconcelos.

Print Friendly, PDF & Email

LEAVE A REPLY

Please enter your comment!
Please enter your name here