Reportazen Raimundo Seguerau
Reprezentante povu iha uma fukun Parlamentu Nasional (PN), deputadaa bankada FRETILIN Maria Angelica Rangel husu ba Ministra Finansa (MF) atu halo aprezentasaun relatoiu kona-ba ezekusaun orsamentu 250 miloens ba PN ne’ebé aprova ona.
Tuir Deputda Angelica razaun principal tanba Parlamentu Nasional presiza hatene konaba ezekusaun orsamentu ne’e to’o ona iha ne’ebé.
“Hakarak husu ba Ministra Finansa, halo relatoriu ba parlamentu nasional liu-liu kona-ba orsamentu transferensia 250 miloens ne’e”, dehan deputada ba jornalista iha PN, Dili, Tersa (26/05).
Alende ne’e, nia mós husu atu aprezenta relarotiu ezekusaun orsamentu kona-ba Dotasaun Orsamentu Transferensia (DOT) tanba husi portal transferensia ba ezekusaun DOT ne’ebé Parlamentu asesu, ninia ezekusaun orsamentu governu foin atinji de’it 39.1%.
“Ita hanesan orgaun fiskalizadór hakarak husu ba Sra. Ministra atu haruka relatoriu DOT ne’ebé mak kada fulan ezekuta ona, husi fulan Janeiru, Febreiru, Marsu, Abril no Maiu, atu nune’e ita bele hatene”, hateten Angelica
Relasiona preokupasaun ne’e, reprezentante governu Sekretariu Estadu Komunikasaun Sosiál (SEKOMS), Mericio Juvinal dos Reis Akara konsidera preokupasaun deputada nian ne’e pertinente tebes, tanba ne’e sei informa fali ba Ministra Finansas atu bele fó resposta ba asuntu ne’e.
