Reportazen Francisco JDA
Relasiona ho problema segurança ai-han no mal nutrisaun iha Timor-Leste, ne’ebe hetan ameasa boot, tanba kroniku to ona 36%. Ho problema ida ne’e, Direitor Executivu FONGTIL, Daniel Santos do Carmo liu hosi konferensia nacional ho tema “Haforsa Kolaborasaun Entre Governo, Sosiadade Sivil, Seitor Privado no Parseiro Dezenvolvimentu, Hadiak Nutrisaun no Seguransa Ai-han”, hateten objetivu hosi konferensia ne’e, atu kontribui ba problema seguransa ai-han no mal nutrisaun iha Timor-Leste, tanba mal nutrisaun no seguransa ai-han tama ona ba iha situasaun grave.
Tuir Direitor Esecutivo Daniel Santos do Carmo iha nia intervensaun hateten durante investimentu ba mal nutrisaun no seguransa ai-han la antiji susbtansia no la konsege resolve iha rai laran.
“Ita nia dadus ne’e hatete, ema mal nutrisaun kroniku iha 36 %, ita nia rai ne’e dependensia ba importasaun, ita nia governo abandona oinsa atu halo investimentu ba seitor produtivu hanesan agricultura, saude no edukasaun kauza sira ne’e mak kontribui ba mal nutrisaun no seguransa ai-han iha ita nia rain”, hateten Daniel iha Hotel JL Villa, 13/12.
Daniel hatutan tan katak liu hosi reiniaun ida ne’e bele tau hamutuk hanoin atu hare ba ajensia sira, durante sira apoiu ne’e realidade la to’o nia objetivu tanba ne’e presiza hare no sai ho dokumentu ida, atu bele separa saida mak sosiedade sivil bele halo, seitor privadu, governu no ajensia internasional halo hodi kontribui ba seguransa ai-han.
“Ita gasta tiha ona tokon 550, iha seitor dezenvolvimentu agrikultura no sira seluk atu promove seguransa ai-han no nutrisaun, realidade ita iha problema seguransa ai-han no problema nutrisaun, dalan atu resolve ne’e mak tenke kolaboraho instituisaun parseiro desenvolvimentu, sosiedade sivil no governo oinsa mak bele tau forsa hamutuk, hodi kontribui ba ida-idak halo tuir nia kbiit, maibe responsabilidade moral ne’e governo nian”, tenik Daniel
Tuir FONGTIL katak liu hosi konferensia ne’e husu ba governu hodi assumi responsabilidade moral, uza sira nia kompetensia hanesan governu, hodi orienta tuir Planu Estratejiku Dezenvolvimentu Nasional 2011-2013, hodi bele atinji problema segurança ai-han no nutrisaun diak ba sidadaun hotu.
Iha fatin hanesan Coordenador Gabinete Apoio Sosiedade Sivil, Filipe da Costa hatete lori mensajen hosi Primeiro Ministro [PM], hodi hato’ok katak PM apoio tebes buat ne’ebe FONGTIL halo, atu koalia kona ba servisu hamutuk entre parte hotu, tanba asuntu seguransa ai-han no mal nutrisaun asuntu ema hotu nian, presiza kopera hamutu,k atu bele hadia duni mal nutrisaun no seguransa ai-han iha rai laran
“Dadus ne’e problema bo’ot iha seguransa ai-han, ema hotu tenke servisu hamutuk, koalia mos kona ba atu resolve problema bo’ot hanesan seguransa ai-han no mal nutrisaun, tenke investe duni ho seriu, investimentu ema inklui hare ba nia nutrisaun diak, hahan ne’e seguru ba sira iha servisu, saude ne’ebe iha kualidade, iha edukasaun, bee moos, saneamentu no habitasaun hirak ne’e hotu importante”, dehan gabibenete Apoio Sosiedade Sivil
