Home Justisa FOKUPERS: Vitima Violasaun Sexual no VD, Sira Sai Vulneravel Liutan Tanba Sira...

FOKUPERS: Vitima Violasaun Sexual no VD, Sira Sai Vulneravel Liutan Tanba Sira Laiha Kbiit

821
0
ilustrasaun labarik feto ne'ebe sai vitima hosi violasaun sexual. [Foto: Copyright News Bali Vila | 03.07.2020]

Reportazen Francisco JDA

Iha Situasaun Estadu Emergencia no pandemia Covid-19 maluk Feto no labarik Feto minoridade iha risku boot nia laran, tanba hetan kauza hosi ekonomia ne’ebé la aguenta ba nesesidade uma laran, ikus mai tenki hamosu Violensia Bazeia ba Jéneru no Violensia sexual hasoru feto minoridade sira, ida ne’e nudar problema seriu no preokupasaun ema hotu nian, presiza tebes tau atensaun.

Hafoin iha diskusaun Meja de Ronda ne’ebé organiza hosi The Repulican Institute (IRI),  Sosiedade Sivil no Membru Parlamentu sira, Diretora Exekutiva Forum Komunikasaun Feto Timor Lorosae (FOKUPERS) haktuir, intesiva vitima Violensia Domestika no Violasaun Sexual  nain  2 iha ospital durante semana ida, nune’e sira bele rehabilita fali sira nia trauma liu hosi Psikolojia.

“Vitima seluk ne’ebé mak hetan violasaun sexual ho tinan 13, nia tenki isin rua, entaun impaktu makaas ba nia no sente odio tebes, ba ema ne’ebé mak halo hahalok aat ne’e ba nia, kalan labele toba, hirus, tanis barak liu no nia dehan ba ami, lolos atu eskola ha’u atu goza ha’u nia direitu, hanesan ha’u nia kolega sira ne’e, maibé tanba sa mak ha’u tinan 13 ha’u isin rua tiha. Ida ne’e mak situasaun ne’ebé mak nia liu”, esplika Diretora Executiva FOKUPERS Maria José Guterres iha Tower Fatuhada,03/07

Diretora FOKUPERS hatutan tan, iha vitima balun ne’ebé FOKUPERS rasik koko atu reintrega ba família, maibé familia sira la simu no sira dehan atu han de’it loron-loron mós susar tiha ona, atu ba simu tan sira nain rua, atu han saida. Vitima sira ne’e sei iha uma Mahon, tanba familia la prontu atu  simu sira no impaktu ekonomia la sustentavel ba nesesidade uma laran.

“Ho situasaun nee, iha mós vitima ida ne’ebé hetan violasaun sexual ho minoridade hosi nia tiun rasik, no nia bá hela iha uma entrada, maibé nia koko atu halai no nia dehan ita hela iha ne’e, han toba de’it ha’u lakohi. Ha’u mai tiha iha ne’e, se mak ajuda ha’u nia inan, ida ne’e impaktu tebes ba labarik sira hetan abuxu sexual no violasaun sexual  durante ne’e”, hateten Maria José Guterres

Diretora FOKUPERS Reforsa tan, durante vitima sira hela iha Uma Mahon, iha programa halo rekuperasaun ba sira nia fiziku, ba sira ne’ebé hetan baku, bubu, kanek kontinua halo tratamentu ba sira.

Print Friendly, PDF & Email

LEAVE A REPLY

Please enter your comment!
Please enter your name here