Home Notisia UNICEF & EU Entrega Ekipamentus Mediku Saude Infantil, Maternal no Kosok-oan

UNICEF & EU Entrega Ekipamentus Mediku Saude Infantil, Maternal no Kosok-oan

169
0
Reprezentativa UNICEF iha Timor-Leste, Valerie Taton ho hanesan Diretora Jeral Protesaun Serbisu Saúde, Dra. Odete da Silva Viegas . [Foto: Santina Lucia da Costa | 14.12.2019]

Reportazen Santina Lucia da Costa

“Garante labarik sira hetan laos de’it kuidadu lolos iha sira nia vida infasia, maibé mós iha sira nia vida infasia mak sira hetan asesu ba kualidade edukasaun, moris livre husi violensia no hetan asesu ba bee moos, saneamentu no hijine, buat hirak ne’e hotu kontribui ba labarik sira nia saude no moris di’ak”. Valerie

UNICEF ho Embaixador Uniaun Europeia, entrega ekipamentus mediku ba saude infantil, maternal no kosok-oan, ekipamentu area promosaun saude, no ekipamentu IT hodi apoia Ministeriu Saude, iha nasioanl no centru saude komunitaria sira.

Reprezentativa UNICEF iha Timor-Leste, Valerie Taton hateten ekipamentu hirak ne’e atu uza iha nivel munisipiu, atu ajuda habelar no garante kualidade servisu sira, depois disponivel iha fasilidade saude no nivel komunidade.

Valerie haforsa katak kualidade kuidadu serbisu saude ne’e importante tebes, atu aselera redusaun iha mortalidade maternal, infantil no kosok-oan no garante. Timor -Leste halo ona esforsu signifikativu iha redusaun taxa mortalidade labarik tinan 5 mai kraik, maibe taxa mortalidade kosok-oan sei iha problema hela durante dekade balun, presiza atu halo liu tan.

“Labarik hotu iha oportunidade justu atu moris no dezenvolve an, depende liu fali intervensaun unika ne’e rekere ba governu, profisional saude sira, komunidade no familia sira atu hala’o sira nia responsabilidade ba labarik sira, hodi garante bebe no labarik sira hetan nutrisaun lolos, imunizasaun no kuidadu ka asegura kolesaun dadus no uza atu hadia serbisu sira”, hateten Valerie Taton.

Valerie mos hatoo nia lia menon katak atu garante labarik sira nia kualidade saude laos deit iha vida infasia, maibe mos iha tenke garante iha asesu kualidade edukasaun, moris livre husi violensia no hetan asesu ba bee moos, saneamentu no hijine, buat hirak ne’e hotu kontribui ba labarik sira nia saude no moris di’ak.

UNICEF mos sei kontinua serbisu besik liu tan ho parseiru dezenvolvimentu sira seluk, atu apoiu Ministeriu Saude no governu Timor-Leste, atu garante katak labarik sira hetan oportunidade ba kresimentu, dezenvolvimentu ho saudavel no sidadaun ida forte.

Iha fatin hanesan Diretora Jeral Protesaun Serbisu Saúde, Dra. Odete da Silva Viegas hateten, UNICEF ajuda Ministeriu Saude, liu hosi ekipamentus saude sira ne’e, tanba hatene katak saude infantil no mós saude sira importante tebes, Ministeriu hala’o ona serbisu hirak ne’e, aliende ida ne’e mós obstakulu kona-ba saude infantil rasik.

Odete Viegas mos informa katak UNICEF ho Uniaun Europeia ajuda Ministeriu Saude ho orsamentu $117.171 milloens, hodi kontribui ba professional saude sira, hodi bele servisu, maibe presiza rekursu ne’ebe mak adekuadu.

Ekipamentus ne’ebe mak Ministeriu Saude simu sei apoiu ba iha municipio Ermera, Ainaro, Liquisa no Bobonaro no ekipamentu hanesan IT sei fahe ba iha municipio 12 inklui RAEOA, hodi bele haforsa jestaun dadus nutrisaun ne’ebe mak implementa iha Centro Saude Komunitaria no nivel postu saude sira.

LEAVE A REPLY

Please enter your comment!
Please enter your name here