Home Notisia Virgílio: FFDTL Presiza Formasaun Profisionál Iha Area Teknolojia, Liga Ho Krime Sibernétika

Virgílio: FFDTL Presiza Formasaun Profisionál Iha Area Teknolojia, Liga Ho Krime Sibernétika

437
0
Kandidatu PR, Lamukan, [Foto: Media Lamukan | 05.03.2022]

Reportajen Adroaldo ‘Saretukau’

Kampaña loron da-haat iha Postu Venilale, Baucau, Kandidatu Virgílio da Silca Guterres “Lamukan” bainhira eleitu sai Prezidente Repúblika, no nu’udar mos Komandante Supremu Forsas Armadas, promete tau matan no investe ba FALINTIL, Forsa Defeza Timor-Leste (F-FDTL) liu-liu formasaun profisionál iha área teknolojia, tanba konsidera nu’udar área importante ida iha era dijitalizasaun, liga ho krime sibernétika ne’ebé akontese oras ne’e daudaun iha ita nia leet.

Kampaña diálogu ne’e, Lamukan hateten nu’udar PR no Komandante Supremu Forsas Armadas nian, la’os atu simu de’it kontinénsia maibé nu’udar devér ida atu tau matan ba sira liu hosi formasaun profisionál, no husu atu respeita mos sidade sivíl sira.

“Ita nia forsa ne’e iha naran rua, FALINTIL ho Forsa Defeza de Timor-Leste (F-FDTL). FALINTIL ne’e valor, Forsa Defeza ne’e perfíl profisionál. FALINTIL ne’e valor de abnegasaun, valor dedikasaun total, defeza povu to’o fakar ran, halekar ruin, ida ne’e FALINTIL. Entaun ita nia forsa ida agora tenke lori valor sira ne’e, atu respeita povu, respeita ema sivíl, labele baku ema sivíl arbiru i hanesan F-FDTL, hanesan lutu nasaun nian, sira tenke iha kapasidade, domina teknolojia,” kandidatu Virgílio ho númeru sorteiu 12 hatete iha Bazar Venilale, fin de semana ne’e, 05/03.

Nia hatutan F-FDTL sira presiza hasa’e sira nia koñesimentu iha área teknolojia nian, nia dehan tanba funu ida agora ne’e la hanesan ho funu 1975 mai to’o ita ukun aan, nia dehan “funu liu hosi internet, ema bolu dehan gerra de sibernétika, entaun ita nia forsa tenke domina ida ne’e (teknolojia),” nia hatutan tanba ne’e mak investe iha teknolojia atu nune’e ita forsa sira atu kontrola ita nia tasi uza kamera drone, sira hatene ona no karik ita presiza halo vijilánsia ba ita nia tasi ho sistema teknolojia.

Tanba ne’e nia hatete, nu’udar Prezidente Repúblika no Komandante Supremu Forsas Armadas, nia sei buka atu ko’alia ho governu liu-liu ho Ministériu Defeza, atu investe maka’as iha formasaun profisionál forsa ni-nian.

Print Friendly, PDF & Email

LEAVE A REPLY

Please enter your comment!
Please enter your name here