Reportajen David da Costa
Partidu Sosialista de Timor (PST), ne’ebé lidera husi Avelino Coelho, Submete ona nia lista kandidatura ba Tribunal Rekursu (TR), hodi bele hetan legalizasaun atu bele kompete iha Eleisaun Parlamentar tinan ne’e.
Vice Prezidente ba Asaun Rejistu Protokolu Partidu Sosialista de Timor (PST), Luis Maria Freitas “Katana” hateten, ohin mai prezensa iha Tribunál Rekurusu ne’e submete lista Kandidatu ba Tribunal Rekursu no Konklui ona dokumentus Partidu tuir kriteira husi Komisaun Nasional Eleisaun (CNE), no Tribunal Rekursu.
“Ami nia prezensa iha Tribunal Rekursu ne’e mai submete lista deputadu sira husi PST nian ba futuru, tan ne’e ami konklui ona dokumentus tuir Kriteira ne’ebe husi CNE no Tribunal Rekursu rasik.” dehan Vice Prezidente ba Asaun Rejistu Protokolu PST, Luis Maria Freitas “Katana” ba Jornalista sira iha Tribunál Rekursu Kaikoli, Segunda 13/03.
Nia haktuir, lista kandidatura ne’ebe Partidu Sosial Timor submete ba Tribunal Rekursu ne’e hamutuk kandidatu nain 90 kompostu kandidatu efetivu 65 no Suplementu 25.
“Iha númeru primeiru ne’e okupa hosi ami nia Prezidente Partidu PST Abelino Coelho, tuir kedan okupa hosi ami nia Sekretáriu Jerál Partidu no tuir kedan númeru terseiru lista kandidatura ne’e feto,” nia esplika.
Iha Lei partidu polítiku tenke fó ba feto hodi okupa iha pozisaun sira. Tanba ne’e iha lista kandidatura PST nian, iha lista efetivu feto iha nain 21 no lista suplente feto nain sia 9.
Luis garante katak Partidu Sosiál de Timor sei ultrapasa Barreira iha Parlamentu Nasional, tanba PST ida uluk no agora la hanesan.
“Fiar sei liu tanba PST agora iha Mudansa no fiar iha Juventude iha Munisipiu 14 ne’ebé involve iha Grupu estudante Revolusionáriu,” nia Deklara.
Enkuantu Partidu politiku ne’ebé antes Rejistu ona iha Tribunal Rekursu mak Hanesan ,Movimentu Libertasaun Povu Maubere (MLPM) no Partidu UNDERTIM
Enkuantu tuir data tentativa ne’ebe Tribunal Rekursu anunsia katak Partidu Polítiku sira iha Tempu atu submete lista Kandidatura ba Tribunal Rekursu validu to’o loron 15 Marsu iha tuku 17.00.
