Home Notisia Konfinamentu Domisiliariu Jeral ba Munisipiu Dili, Hahu Aban Sexta Oras 00:00, Konsellu...

Konfinamentu Domisiliariu Jeral ba Munisipiu Dili, Hahu Aban Sexta Oras 00:00, Konsellu Ministru Desidi

1943
0
Ministru Fidelis iha Konferensia Imprensa Kona ba Extensaun Serka Sanitaria (Foto: Rttl.ep)

Komunikadu imprensa Konsellu Ministru nian fo sai kona ba hahu fali halo konfinamentu domisiliariu ba Munisipiu Dili, hahu aban, Sexta, 30 Abril, oras 00:00 to’o oras 23:59, loron 13 Maiu 2021.

Konsellu Ministru hala’o sorumutuk iha Palásiu Governu,  iha Dili, ohin (29/04) no asiste ona aprezentasaun ida husi pontu situasaun epidemiolójika país nian, husi Sala Situasaun Sentru Integradu Jestaun Krize (SIJK). Aprezentasaun ne’e hatoo katak hahú kedas inísiu pandemia deteta ona ema hamutuk 2124 ne’ebé infetada ho Coronavírus foun. Iha kazu Deteta sira iha munisípiu sira hotu iha país, maibé Dili maka Munisípiu ida ne’ebé infetadu liu, iha ne’ebé 1794 infetadu maka rejista ona, no konsidera eziste klasifikasaun transmisaun komunitária. Oras  ne’e daudaun iha kazu ativu hamutuk 1014 no rejista ona kazu moderadu 21 no na’in rua grave ho COVID-19. Taxa insidénsia iha Munisípiu Dili oras ne’e daudaun maka 27,3 husi abitante rihun 100.

Hatetuk ba aprezentsaun hosi SIJK nian Konsellu Ministru aprova ho alterasaun projetu Rezolusaun Governu nian ba impozisaun konfinamentu domisiliáriu jerál ba ema sira hotu ne’ebé mak hela ka oras ne’e daudaun iha hela Munisípiu Dili, ne’ebé tenke hela iha sira nia uma ka iha sira nia alojamentu temporáriu, tuku 00:00 loron 30 fulan-abril tinan 2021 no tuku 23:59 loron 13 fulan-maiu tinan 2021

Komunikadu imprensa ne’e mos hatutan katak regra sira-seluk mantein nafatin liuliu obriga sidadaun sira hotu ne’ebé hela iha Timor-Leste atu mantein distánsia pelumenus metru ida ho ema seluk ne’ebé la hela iha ekonomia komun. Kontinua obriga atu utiliza máskara oin nian ne’ebé taka inus no ibun bainhira hakarak tama ka hela iha fatin públiku ka privadu hirak ne’ebé ema hotu uza; no fase liman bainhira hakarak tama ba estabelesimentu komersiál sira, industriál ka prestasaun servisu nian ka ba edifísiu sira iha ne’ebé  servisu administrasaun públika nian funsiona. Iha obrigasaun mós atu  evita formasaun halibur-malu, iha dalan públiku.

Konsellu Ministru mos aprova mós projetu Rezolusaun Governu nian ba renovasaun ba impozisaun serka sanitária iha munisípiu Ainaru, Baukau, Dili, Ermera, Kovalima no Vikeke, ba loron 14 tan, to’o tuku 23:59 husi loron 16 fulan-maiu tinan 2021. Aprova mós impozisaun serka sanitária iha munisípiu Lautém, Likisá, Manufahi, entre tuku 00:00 iha loron 30 fulan-abril tinan 2021 no tuku 23:59 loron 16 fulan-maiu tinan 2021.

Print Friendly, PDF & Email

LEAVE A REPLY

Please enter your comment!
Please enter your name here