Home Saude Governu Australia Apoiu Fasilidade Ba Teste COVID-19 no Uma Laboratoriu

Governu Australia Apoiu Fasilidade Ba Teste COVID-19 no Uma Laboratoriu

229
0
Embaixador Australia no Vise Ministra Saude. [Foto: Santina Lucia da Costa | 25.03.2020]

Reportazen Santina Lucia da Costa

Virus Corona kontinua sai preokupasaun publiku nian, no ezije ba governu hodi kontinua foti asaun ne’ebe bele preven ema hosi Covid-19.

Ho moras virus Corona ne’ebe mak afeta ona iha Timor-Leste, governu Australia apoi fasilidade laboratoriu teste Covid-19 no konstrusaun uma laboratiu nasional.

Vise-Ministra Kuidadu Saúde Primaria, Elia Dos Reis Amarál hateten ohin realiza ona laboratoriu nasional, ne’ebe hare liu ba iha konstrusaun patoloji no mikrobiologi ne’ebe hetan apoiu hosi governu Australia no hetan apoiu oinsa halo inspeksaun para bele serbisu.

“Fasilidade saude ba fatin ne’ebé kiikoan entaun ami presiza halo boot liu tan, para pesoal saude ne’ebé halo analista bele halo sebisu ho masimu”, hateten Vise-Ministra Saude ba kuidadu saude ba jornalista sira iha Laboratoriu Nasional Saude, Bidau 25/3.

Vise-Ministra Saude hatutan teste komesa ba oin bele halo ona iha ne’e, se liu lima ka neen sei lori ba Australia, depois sei organiza ida ne’e ho masimu liu tan ba iha laboratoriu.

Iha fatin hanesan, Embaixador Australia iha Timor-Leste, Peter Roberts hateten Australia serbisu hamutuk ho governu Timor-Leste liu hosi Ministeriu Saude atu suporta iha area kapasidade, halo teste ba iha COVID-19 iha Timor-leste, kapasidade ida ne’e importante duni bele teste no bele serbisu atu kontrola COVID-19.

Doutor Joshua Francis, nudar espesialista ba Padetria no moras kontajioza ba jornalista sira hateten bele teste iha nasaun ida ne’e, mesmu ho prosesu naruk tebes, hodi bele realiza tulun hosi Oraganizasaun Saude Mundial no Governu Australia, maibé tenki halo mós konfirmasaun iha ospital Royal Australia katak ita bele fiar duni.

Konstrusaun ne’e hetan apoiu hosi Menzies School of Health Research iha Darwin Australia no fundus hosi Fleming Fund no  Governu Australia.

LEAVE A REPLY

Please enter your comment!
Please enter your name here